Apocalipsis 16:16 - Bible in Tzeltal de Oxchuc y Tenejapa

¹⁶ Jich te espíritu yu'un te pucujetique la stsobic tel spisil te muc' ajwaliletic ta bay te q'uinal te Armagedón sbiil ta hebreo-c'ope.

Nuevo Testamento Tzeltal de Amatenango

¹⁶ Y te pukujetik la stsobik te reyetik te ba luwar te Armagedon sbiil ta hebreo kꞌope.

Bible in Tzeltal Bachajón

¹⁶ Hich la stsobic tal te ajwaliletic ta jun lugar Armagedón sbihil ta hebreo.

Apocalipsis 16:16 Referans Kwoze

Zacarías 12:11

Mero bayal me ya smel yo'tanic te mach'atic ayic ta Jerusalén, jich te bit'il ya smel yo'tanic yu'un te dios Hadad-rimón ta muc'ul spamlej ta Meguido.

Jueces 5:19

“Te ajwaliletic talic ta lum Taanac, ta sts'eel ja'etic yu'un Meguido; ja' te ajwaliletic cananeoetic talic yu'un ya yaq'uic guerra; ja'uc me to, ma'yuc la staic plata ni sc'ulejalic.

Apocalipsis 9:11

Soc ay jtul ajwalil yu'unic te ja' swentainej te xaabe. Abadón sbiil ta hebreo-c'op soc Apolión sbiil ta griego-c'op.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

San Juan 19:13

Te c'alal la yaiy stojol te Pilatoe, la yal mandal ta loq'uesel tel te Jesuse. Ba snajc'an sba ta chajbajibal te Gabata sbiil ta hebreo-c'op, ja' bi, “Limbil Pejch'el Tonetic”, xi' c'oem.

Hechos 26:14

Jich t'uxajotic coel ta lum, soc la caiybey stojol sc'op te mach'a la sc'oponon ta hebreo-c'op: “Saulo, Saulo, ¿bistuc te ya awuts'inone? Atuquel ya awuts'in aba te ya alombey ta teq'uel c'oem te sni' atojtesjibale”, la yuton.

San Juan 19:17

Te Jesús la xcuch bael te scruz. Bajt' ta bay Yawil Baqueljolol sbiil te q'uinale, te Gólgota sbiil ta hebreo-c'op.

San Juan 5:2

Ta Jerusalén ay estanqueil ja' te nopol yiloj sba soc te yochibal sts'ajc'ul te lume te Yochibal Chijetic sbiile. Betesda sbiil ta hebreo-c'op te estanqueil ja'e. Ay jo'tsal yaxinal ta sjoyobal.

Jueces 4:7

Te jo'on ya cac' ya xtal te Sísara te jtsobwanej-soldadoetic yu'un Jabín ta yocja' Cisón. Ya xtal yac'bat guerra, soc te carretaetic soc te soldadoetic yu'une. Ja'uc me to, ya me cac'beyex ta ac'abic”, xi' te Diose —la yut.

2 Crónicas 35:22

Ja'uc me to, te Josías ma sujt' ta spat, la sten sba bael ta yaq'uel guerra, ni ma la yich' ta muc' te bila ac'bot sna' yu'un Necao, te jich nix yaloj te Diose. Jich yu'un och ta guerra ta spamlej yu'un Meguido.