Apocalipsis 16:12 - Bible in Tzeltal de Oxchuc y Tenejapa

¹² Te swaquebal ch'ul abate ba smal ta bay muc'ja' Eufrates te copa yich'oje. Jich taquej te muc'ja'e, swenta yu'un jamal sbeic ya xc'otic a te muc' ajwaliletic te ya xtalic ta bay te sloq'uib c'aale.

Nuevo Testamento Tzeltal de Amatenango

¹² Te swakebal ángele la smal te sbaso ta sba te mukꞌul ukꞌum Eufratese. Y te yaꞌlel ukꞌume takej yuꞌun ya skꞌaes a te reyetik te ya xlaj lijk tal ta stojil xlokꞌ kꞌajkꞌale.

Bible in Tzeltal Bachajón

¹² Te swaquebal ch'ul a'bat la smal te sbahl te copa yu'un ta muc'ul-ha' Éufrates, tup' ya'lel te muc'ul-ha' scuenta yu'un chapal ya xc'oht te be yu'un te ajwaliletic ya xtalic ta stojol banti ya xloc' tal c'ahc'al.

Apocalipsis 16:12 Referans Kwoze

Apocalipsis 9:14

La caiy stojol te jich albot te swaquebal ch'ul abat te yich'oj oq'uese: “Coltaya bael te chantul ch'ul abatetic chuculic ta bay ti' muc'ul ja' Eufrates”, la yut.

Jeremías 51:36

Te Cajwaltic jich ya yal: —Jo'on me ya jchajbanat, ya me cac'bey spacol te acontrotaque. Taquin me ya quijq'uitay jilel ta jc'axel te muc'ul ja' soc te sloq'uibja'etic yu'un Babilonia.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Isaías 41:25

“La cac' chicnajuc jtul winic ta stojol sloq'uib c'aal; la calbey sbiil, jich tal, ya xjul tel ta bay norte. Ya me spech' ta teq'uel te ajwaliletic, jich bit'il ya yich' teq'uel ajch'al, jich bit'il jpac'jom te ya swots' ta teq'uel te ajch'ale.

Isaías 42:15

Ya me jin te witstiquil soc te ch'in witsetique; taquin ya quijq'uitay te ste'elique. Ya jc'atp'un ta taquin q'uinal te ja'etique; taquin ya quijq'uitay jilel te pampam ja'etique.

Isaías 11:15

Te Cajwaltic ya me sjambey sbe ta Mar Rojo; ya stoy bael sc'ab ta muc'ja' Éufrates, ya me sjujch'iy ic' te xiweltic nax sba, juqueb me yoc ya xloc' yu'un a te ja'e te ya xju' st'unic c'axel, ma puersauc ya sloq'ues xanabic.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 7:2

Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.

Isaías 46:11

La quic' jtul winic ta sloq'uib c'aal, te ya xtal ta c'ubul q'uinal. Jich bit'il ja'mal-mutetic te ya stsac sti'ic te chambalametique, jich ya xc'ot ta pasel te bitic chapal cu'une. Teme jich caloj, jich nix ya jpas; te bitic jchajbaneje, jich nix ya jc'otes ta pasel.

Apocalipsis 11:14

C'axix te xcha'cumul woclajele. Ja' ya xtalix te yoxebal woclajele.

Isaías 8:7

Jich yu'un te Cajwaltic ya smuc ta ja', ya smuc ta yip muc'ul ja' Éufrates (ja' sc'oplal te muc' ajwalil yu'un Asiria soc spisil te yipe). Ya xmal loq'uel ta sti'il yoc te ja'e, ya me xloc' bael spisil ta sti'il,