Apocalipsis 16:10 - Bible in Tzeltal de Oxchuc y Tenejapa

¹⁰ Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Nuevo Testamento Tzeltal de Amatenango

¹⁰ Te sjoꞌebal ángele la smal te sbaso ta sba te snaktajib te chanbalam te xiꞌbentik sbae. Jich jil ta ijkꞌal kꞌinal te ba ya xmantalaje. Te gentee ya stiꞌtalan yakꞌik yuꞌun te xkꞌuxul swokolike.

Bible in Tzeltal Bachajón

¹⁰ Te yo'ebal ch'ul a'bat la smal te sbahl te copa yu'un ta smuc'ul-huctajib te chambahlam te xiweltic sba, ihc'ub ban c'alal scuentahinej. Te ants-winiquetic la sti'ticlan yaq'uic yu'un sc'uxul te wocol

Apocalipsis 16:10 Referans Kwoze

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.

San Mateo 8:12

Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Apocalipsis 17:17

Dios yac'ojbey ta yo'tanic te ya spasbeyic te bila ya sc'an yo'tan stuquel te bit'il jun nax te bila snopojique soc te ja' yajwalinejic stuquel te muc'ul chambalam te xi'bantic sbae, ja' to c'alal ya xc'ot ta pasel te sc'op Diose.

San Mateo 22:13

“Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

San Lucas 13:28

Tey me ya awoq'uetay abaic a soc ya me ajets'ulay aweic yu'un te bit'il ya awilic te Abrahame, te Isaaque, te Jacobe, soc spisil te namey q'uinal j'alwanejetic te ochemic ta banti ay ta ajwalinel te Diose. Yan te ja'exe, ayex ta fuera atuquelic.

San Mateo 24:51

Ya me yac'bey stoj ta lajel. Tey me ya xbajt' a te banti ya xbajt' te mach'atic cha'lam yo'tanique. Tey me ya xc'o yoq'uetay sba a soc tey me ya xc'o sjets'ulay ye a —xi' te Jesuse.

Salmos 78:49

Dios la sticun yilimba ta stojolic: ja' te sc'ajc'al yo'tane, te xc'uxul woclajel soc te castigoe jich c'oem ta stojolic te bit'il abatetic te ya xlajinwanique.

Apocalipsis 17:9

“Ya sc'an te ay sp'ijil awo'tan teme ya ac'an ya ana' stojol in to. Te jucp'ij sjole, ja' seña te juqueb wits ta bay nacal te antse,

San Mateo 13:50

Te mach'atic ma lecuque ya me yich'ic ch'ojel ochel ta bay yawil c'ajc' te muc' yac ta tilele. Tey me ya xc'o yoq'uetay sbaic a, soc tey ya sjets'ulay yeic a —xi' te Jesuse.

San Mateo 13:42

Ya me xch'ojic ochel ta bay yawil c'ajc' te yac ta tilele. Tey me ya xc'o yoq'uetay sbaic a, soc tey ya sjets'ulay yeic a.

Apocalipsis 18:2

Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Apocalipsis 11:8

Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.