Apocalipsis 16:1 - Bible in Tzeltal de Oxchuc y Tenejapa

¹ La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

Nuevo Testamento Tzeltal de Amatenango

¹ La kaꞌiy jun tulan kꞌop te xlokꞌ tal teꞌ ba temploe y te la yalbe te jukeb angeletike: —Baanik y malaik ta sba balmilal te jukeb basoetik yuꞌun te tulan kastigo te ya yakꞌ tal te Diose —xꞌutalanot.

Bible in Tzeltal Bachajón

¹ La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Apocalipsis 16:1 Referans Kwoze

Sofonías 3:8

Jich yu'un, maliyawonic te bi c'aalil ya xtejc'ajon ta c'op ta controinbelat. Jo'on Ajwalilon tulan ya cal: Jnopoj ta co'tan ya jtsob te nacionetic soc te muc' ajwaliletique swenta yu'un ya cac'bey ta stojolic te quilimba, ja' te quilimba te yac ta tilele. Spisil lumq'uinal ya me yich' jinel ta scaj te sc'ajc'al co'tane.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Apocalipsis 16:17

Te sjuquebal ch'ul abate ba smal ta ic' ta bay sjamalul q'uinal te copa yich'oje. Ta bay templo ta ch'ulchan chicnaj tulan c'op te tey loc' tel a ta bay te muc'ul nactijibale, te jich la yale: “Ju'ix”, xi' la caiy.

Salmos 79:6

Ja' xaloq'ues slab awo'tan a te lumetic ma ba xch'uunejat, te ma sna'bat abae, soc te ma ba ya yalbat wocol ta atojole.

Ezequiel 10:2

Te Cajwaltic la sc'opon te winic sc'u'inej lino-paq'ue, jich la yalbey: —Ochan ta yolil te ruedaetic yu'un carretaetic ta ye'tal te querubínetique. Jopa jojpuc ac'al te ay sc'aal te ay ta yolilic te querubínetique. Lilinbeya coel ta sba te lume —la yut. La quil bit'il och te winique.

Apocalipsis 14:18

Soc ay yan ch'ul abat te loc' tel ta bay te xchic'jibal milbil smajt'an te Diose te ay yat'el ta swentainel te c'ajq'ue. Tulan la yawtay te ch'ul abat te yich'oj ta sc'ab te os te ay yee. Jich la yalbey: “Ochan ta at'el soc te os awich'oj te ay yee. Tsobeya sit ta chojolchoj te ts'usub te ay ta balumilale, yu'un tac'ajemix te site”, la yut.

Apocalipsis 14:15

Soc ay yan ch'ul abat te loc' tel ta templo. Tulan la yawtay te mach'a nacal ta sba te tocale: “Ochan ta at'el soc te os awich'oje. Tsobeya sit te c'ajoj ay ta balumilale, melel la staix yorail. Taquinix te site”, la yut.

1 Samuel 15:3

Ja' yu'un baan, ac'beya guerra, lajina ta jc'axel soc spisil sbiluc. Ma me ayuc mach'a x'ana'bey yo'bolil sba, milaic winiquetic, antsetic, alaletic soc mero ch'in alaletic te ayinelic to, soc nix te wacaxetic, chijetic, camelloetic, soc burroetic yu'unique”, xi' te Cajwaltic —xi' te Samuele.

1 Samuel 15:18

Mero bayal sc'oplal te mandal yu'un te Cajwaltic la yalbat bael apase, te ya alajin te jmulawil amalequetic, te mero jc'axel ya alajin ta spisilique.

Ezequiel 22:31

Ja' yu'un la jt'omesbeyix bael ta stojolic te castigo cu'une, la jlajinix ta swenta sc'ajc'al quilimba, swenta yu'un jich me ya cac'bey sna'ic te bi yilel yat'el spasojique. Jo'on Ajwalilon te jich caloje”, uta me —xi' te Cajwaltique.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.