Apocalipsis 15:8 - Bible in Tzeltal de Oxchuc y Tenejapa

⁸ Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.

Nuevo Testamento Tzeltal de Amatenango

⁸ Y te temploe noj ta xchꞌailel yuꞌun te slekilal sok spoder te Diose. Y maꞌyuk machꞌa ya xjuꞌ ya xꞌoch bael teꞌa teme ma to lajemuk a te jukkaj tulan wokol te yichꞌojlan te jukeb angeletike.

Bible in Tzeltal Bachajón

⁸ Te templo noj ta ch'ahil yu'un te yutsilal Dios soc te yu'ele. Mayuc mach'a ya xhu' ya x'och ta templo ha to c'alal ts'acay te huqueb wocol te yich'ojic te huqueb ch'ul a'batetique.

Apocalipsis 15:8 Referans Kwoze

Isaías 6:4

C'alal toy te sc'ope, cajic ta nijq'uel te ti'nailetic yu'un templo. Te templo noj ta ch'ail.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

2 Tesalonicenses 1:9

Ya me xc'ax swocolic ta castigo ta ch'ayel sbajt'el q'uinal. Ya me yich'ic ch'ojel loq'uel ta stojol te Cajwaltique soc ta bay yutsilal yu'el te Cajwaltique.

Salmos 29:9

Te sc'op Cajwaltic ya syuq'uilay te jijte'etique, jc'axel ma'yuquix te'etic ya xjil yu'un ta ja'mal. Ta templo yu'un, spisilic me ya yich'ic ta muc'.

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Lamentaciones 3:44

La apots aba ta tocal swenta yu'un ma x'awaiy te ya caltic wocole.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Apocalipsis 21:11

Te muc'ul lum, xlemet nax yutsil xojobil tey a te Diose. Te xojobile pajal yilel soc te bit'il xlemet nax t'ujbil saquil ton te jaspe sbiile, te ya xc'ax jsitic ta yilel q'uinal a jich bit'il te cristale.