Apocalipsis 15:5 - Bible in Tzeltal de Oxchuc y Tenejapa

⁵ Patil la quil jam te nailpac' templo yu'un Dios te ay ta ch'ulchane, te banti q'uejbil te trato yu'un te Diose.

Nuevo Testamento Tzeltal de Amatenango

⁵ Ta patil te tutik to, la kil y la jta ta ilel jeꞌbil ta chꞌulchan te templo yuꞌun Dios, te teꞌ kꞌejbil a te mantaliletike.

Bible in Tzeltal Bachajón

⁵ Patil la jquil ta ch'ulchan te jahm te nahilpac' templo yu'un te testigo-c'op.

Apocalipsis 15:5 Referans Kwoze

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Números 1:50

Te levitaetic ya me awac'bey swentainic abatinel ta ch'ul awilal yu'un trato. Ya me swentainic te bitic ay ta pasel ta xch'uunel Dios tey a, soc spisil bitic yu'un te ch'ul awilal. Ja'ic me ya yat'elinic sq'uechel bael te Nailpac' Templo soc spisil te sbiluquil, soc spisil te bitic ay ta tuuntesel tey a. Tey me ya xc'o yac' snailpaq'uic ta sjoyobal te ch'ul awilal.

San Mateo 27:51

Jich ora jats coel tel c'alal sba c'alal ye'tal te pac' tsalbil a te temploe. Nijc' te lum q'uinale, soc jat te ch'entiquile.

Números 1:53

Yan te levitaetic ja' me ya swentainic te ya yac' snailpaq'uic ta sjoyobal te ch'ul awilal yu'un trato, soc ya me scanantayic te ch'ul awilal, swenta yu'un ma me x'ilinon ta stojol te israeletique —xi' te Cajwaltique.

Éxodo 38:21

Ta swenta smandal te Moisés soc te jtsobwanej Itamar snich'an te sacerdote Aarón, te levitaetic la yich' ajtayel te jaychajp taq'uinetic te pastaj a te Nailpac' yu'un trato.

Éxodo 25:21

Macbeya coel sti' a te cajone. Tey me ya awac' ochel a te mandalil te ya cac'bate.

Hebreos 8:5

In te banti ayic ta at'el in sacerdoteetic to, seña to nax soc snojq'uetal to nax te bila ay ta ch'ulchane. Jna'ojtic stojol te ja' nax sloc'omba, melel jich albot yu'un Dios te Moisese te ya xjajch'ix ta pasel yu'un a te nailpac' temploe: “Na'ame ta lec. Jich me xapas te bit'il la cac'bat awil ta ba wits”, te xi' sc'oplal yu'une.

Apocalipsis 13:6

Jich jajch' scontroc'optay te Diose, soc jajch' yixta-c'optaybey te sbiile soc te templo yu'une soc te mach'atic nainemic ta ch'ulchane.