Apocalipsis 15:4 - Bible in Tzeltal de Oxchuc y Tenejapa

⁴ ¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Nuevo Testamento Tzeltal de Amatenango

⁴ ¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.

Bible in Tzeltal Bachajón

⁴ ¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Apocalipsis 15:4 Referans Kwoze

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Jeremías 10:7

¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

Salmos 22:27

Ja'ex te sts'umbalex spisil ta jchajp ants-winiquetic, ja'ex ta apisilic te ayex ta spamal te balumilale, na'aic me te Cajwaltic. La'ic me, quejana abaic ta stojol.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Zacarías 14:16

Te c'alal ya xc'ot ta pasele, te jayebic xan te ya xcolic jilel te yajwal te lumetic la yac'beyic guerra te Jerusalén, ta spisil me ora ta jujun ja'wil ya me xba xch'uunic te Muc' Ajwalil, ja' te Cajwaltic te Spisil ya xju' yu'une; soc ya me xba spasic q'uin swenta Nailwamal.

Isaías 25:3

Ja' swentail te lum te tulane ya yal te ayat ta ich'el ta muc'; te lumetic yu'un te ants-winiquetic te c'ax amen yo'tanique, ya xi'at.

Isaías 45:23

Jo'onix la jta jba ta alel jtuquel, la cal ta jamal te jo'on ya caiy tsalawe, te bila caloj ta jamal, ya me xc'ot ta pasel. La cal te ya me xtal squejan sbaic ta jtojol spisil te ants-winiquetique, soc ta spisilic ya me staonic ta alel.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

1 Pedro 1:16

Yu'un jich ts'ibubil ta Sjun Dios: “Ch'ultesbiluquex me, jich bit'il ch'ul Dioson jtuquel”, te xie.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Apocalipsis 16:7

Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Isaías 26:9

Ta ajc'ubal spisil co'tan ya jic' co'tan ta awenta; ta mero melel ya jleat. Te c'alal ya awaiy chajbanwanej ta balumilal, te ants-winiquetic tey ya snopic a te bila toje.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Romanos 15:9

Soc ja' tal yu'un uuc te mach'atic jyanlumetique, swenta yu'un jich ya yalbeyic yutsilal Dios yu'un te xc'uxul yo'tane: “Ja' swentail ya me calbat yutsilal ac'oplal ta bay te nacionetique”, te xi' ta c'ayoje.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Isaías 6:3

Jich yacalic ta yalel juju-jtul: —Ch'ul Dios, Ch'ul Dios, Ch'ul Dios, ja' te Cajwaltic te Spisil ya xju' yu'une; nojel ta spamal balumilal te yutsilale —xiic.

Salmos 111:9

La yac' ta libre te lum yu'un; soc la stulantesbey sc'oplal sbajt'el q'uinal te trato yu'une. Ch'ul Dios stuquel soc xiweltic sba.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Habacuc 1:12

La yal te Habacuc: —Cajwal, ¿yu'un bal ma'yucat ta sbajt'el q'uinal, ja'at te Ch'ul Diosat cu'un te mero ma xlajat atuquele? Cajwal soc jcanantaywanejat cu'un, ja'at la awac'bey yipic te caldeoetic swenta yu'un ja' ya yaq'uic castigo ta awenta.

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.

Salmos 105:7

Ja' Cajwaltic stuquel, ja' Dios cu'untic; ja' ya smandaltes stuquel spisil te q'uinale.

Salmos 99:9

Albeyaic yutsil sc'oplal te Cajwaltic, ja' te Dios cu'untic; quejana abaic ta stojol ta bay te ch'ul wits yu'une. ¡Te Cajwaltic Dios cu'untic, ja' ch'ul Ajwalil stuquel!

Salmos 22:3

Te ja'ate, Ch'ul Diosat atuquel; ja'at ya xmandalajat, ya yalbat yutsil ac'oplal te Israel.

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

Isaías 60:5

Te c'alal ya awile, ya me xojobaj yutsil awo'tan, bin nax me awo'tan yu'un. Ya me yich'beyex tel sc'ulejalic te lumetic ta ti'mar; soc ya me yac'beyex sc'ulejalic te nacionetique.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Isaías 24:15

Jich nix ta bay sloq'uib c'aal soc te lumetic ta sti'il mar, ya me yalbeyic yutsil sc'oplal te Cajwaltic Dios yu'un Israel.

Salmos 99:5

Albeyaic yutsil sc'oplal Cajwaltic te Dios cu'untic, quejana abaic ta stojol. ¡Ja' Ch'ul Dios stuquel!

Salmos 97:8

Cajwal, te Sión soc te lumetic yu'un Judá bin nax yo'tanic yu'un te bitic chajbanbil awu'une.

Salmos 22:23

Ja'ex te awich'ojic ta muc' te Cajwaltique, albeyaic yutsil sc'oplal. Muc'uc me yutsil sc'oplal awu'unic ta apisilic te sts'umbalex Jacob. Ich'a ta muc' apisilic te sts'umbalex Israel.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Apocalipsis 16:5

La caiy stojol c'opoj te ch'ul abat te swentainej te ja'etique. Jich la yal: “Toj awo'tan atuquel, Cajwal te Ch'ul Diosate, te atalel ayat ta namey soc ta sbajt'el q'uinal, te melel la awaiyix chajbanwanej.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.