Apocalipsis 14:5 - Bible in Tzeltal de Oxchuc y Tenejapa

⁵ Xujt' ma'yuc banti la yalic lotil c'op ta yeic. Xujt' ma'yuc smulic ta stojol te smuc'ul nactijib te Diose.

Nuevo Testamento Tzeltal de Amatenango

⁵ Ni maꞌyuk a yalik te le-lot ta stiꞌik, yuꞌun maꞌyuk smulik ta stojol te Diose.

Bible in Tzeltal Bachajón

⁵ Ma sna'ic lot; mayuc yabaquilic.

Apocalipsis 14:5 Referans Kwoze

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Sofonías 3:13

Te mach'atic cuxulic xan ta lum Israel ma'yuquix bila ma lecuc ya spasic, ma ba ya yalic lot, ma ba ya snojes lo'laywanej ta yeic. Ya me xju' ya xwe'iquix soc ya me xcux yo'tanic, ma me ayuc xiwel ta stojolic —xi' te Cajwaltique.

Salmos 32:2

Bin nax yutsil te mach'a ma'yuc lo'laywanej ta yo'tan, soc te ma'yuc falta ya x'ac'bot scuch yu'un te Cajwaltique.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

San Juan 1:47

Te Jesús la yil te Natanael te yac ta talel ta stojole. Jich la yal: —Ja' mero israel-winic in to, te ma'yuc lo'laywanej ta yo'tane —xi' sc'oplal yu'un.

Colosenses 1:22

Ta ora to, ta swenta Cristo te la yac' junajuc awo'tanic ta stojol Dios ta swenta bit'il c'ax swocol ta lajel soc sbaq'uetal. Jich te c'alal ya stejc'anex ta stojol te Diose, ch'ultesbilex soc ma'yuc bila boloben soc ma'yuc amulic ta stojol.

San Lucas 23:4

Te Pilato jich la yalbey te jwolwanej-sacerdoteetic soc spisil te ants-winiquetique: —Ma'yuc smul la jtabey in winic to —xi'.

1 Pedro 3:10

Te melel jich ts'ibubil jilel ta Sjun te Diose: “Te mach'a ya smulan lequil cuxlejal ta q'uinale, soc teme ya sc'an te lec nax ya xc'ax yu'un te jujun c'aale, ac'a scom yac' ta yalel bol c'op, soc ac'a scom sti' ta yalel te lotil c'ope.

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

Daniel 6:4

Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

Proverbios 8:8

Spisil te jc'ope, mero stojil ay; ma'yuc jxujt' lot tey a.

Salmos 34:13

Coma awe ta yalel bol c'op jiche, soc ma me xawal lotil c'op.

Isaías 53:9

Tey la smuquic ta sts'eel te mach'atic amen yat'elic; bajt' ta muquel soc mach'atic ma ba lec te bitic la spasique, manchuc me ma'yuc ni jtebuc sleoj smul stuquel, soc ma'yuc bay la yaiy lo'laywanej.

Salmos 55:11

Te calleetic nojel yu'un mach'atic biluc nax ya slomic ta pasel soc sc'ajc'alic, soc nojel ta jlo'laywanejetic.

Cantares 4:7

Mero c'ax t'ujbilat ya quil, ja'at nax mulanbilat cu'un, mero t'ujbilat ta awacan c'alal ta ajol. Ma'yuc bila ma t'ujbiluc awu'un.

Malaquías 2:6

Te Leví la yaiy p'ijubteswanej yu'un te bila smelelil; soc ma'yuc bila amen loc' ta ye. Toj nax cuxin; lamal nax q'uinal yu'un ta jtojol. Tsobol la yac'bey snopic te ma ba ya spasic te bila amen ta pasele.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.