Apocalipsis 14:4 - Bible in Tzeltal de Oxchuc y Tenejapa

⁴ Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Nuevo Testamento Tzeltal de Amatenango

⁴ Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Bible in Tzeltal Bachajón

⁴ Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Apocalipsis 14:4 Referans Kwoze

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

2 Corintios 11:2

Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Salmos 74:2

Na'a me te lum awu'un, ja' te manbil awu'un ta xjajch'ibal to tale, ja' te la acoltay loq'uel tel swenta yu'un awu'un ta xchajbal soc te sts'umbale; na'a me te wits Sión te banti nainate.

1 Corintios 6:20

melel toyem atojolic la smanex te Diose. Jich yu'un ich'a ta muc' Dios soc te abaq'uetalique [soc uuc te ach'ulelique, melel yu'un Dios ta xchebalic.]

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

Jeremías 2:3

Israel ch'ultesbil ta jtojol, ja' te mero c'ax lec sit c'oeme. Teme ay mach'a tal ta uts'inel yu'une, jo'on la cac'bey castigo, la jticunbey tel bila amen ta stojolic. Jo'on Ajwalilon te jich la cale”, uta me —xi' te Cajwaltique.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Efesios 1:14

Te Ch'ul Espiritue, ja' seña te bila ya yac'botic quich'tic te Diose te c'alal ju'ix yu'un scoltayel spisil te mach'atic yu'une, swenta yu'un jich me ya jc'ajintaybeytic te yutsilale.

1 Corintios 16:15

Quermanotac, ana'ojic stojol te bit'il ay sc'oplal te Estéfanas soc sjunal sna. Ja' mero sbabial la xch'uun te lec yach'il c'op ta bay spamal sq'uinal te Acayae, soc ana'ojic te bit'il yac'oj sbaic ta abatinel yu'un te mach'atic ch'ul lum yu'un te Diose.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

San Juan 13:37

Pedro la yal: —Cajwal, ¿bi yu'un te ma xju' ya jts'aclinat bael ta orae? Melel jun co'tan ya cac' jba ta lajel ta awenta —xi'.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 8:19

Ja'uc me to, ay noptsaj tel ta stojol jtul jts'ibojom. Jich la yal: —Maestro, ya jc'an jts'aclinat chican te banti ya xbaate —xi'.

Cantares 1:3

Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

1 Corintios 7:28

Teme ya xnujbinate, ma'yucat ta mulil yu'un. Soc teme ya xnujbin te jtec'tojom ach'ixe, ma'yuc ta mulil yu'un. Ja'uc me to, te mach'a jayeb ya xnujbine, puersa me ay swocol ya staic te jayeb c'aal cuxulic ta q'uinale. Ja' swentail te jich la calixe, yu'un co'tanuc te ma'yuc swocolique.

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Cantares 6:8

Oxwinic (60) te antsil-ajwaliletic, chanwinic (80) te yantic antsetique, soc mero bayalic te ach'ixetique,

Salmos 45:14

Mero buen xlemet nax xch'alil sc'u' slapoj, ya yiq'uic bael ta stojol te muc' ajwalile, joytaybil bael yu'un ach'ixetic, ja' te jun yo'tanic soque.

San Mateo 19:12

Ay winiquetic te eunuco ta scaj te stalel jich ayinic soc te sbaq'uetalique. Ay yantic eunuco te jich pasotic ta eunuco yu'un te winiquetique. Soc ay yantic eunucoetic te stuquel ya spas sbaic ta eunuco yu'un jich ya xju' ya yac' sbaic ta abatinel yu'un te bit'il ay ta ajwalinel te Dios te ay ta ch'ulchane. Teme ay mach'a jich ay ta yo'tane, jich ac'a spas —xi' te Jesuse.

Efesios 5:27

Swenta yu'un jich ay bayal yutsilal te jch'uunjeletic te ya stejc'an ta stojole. Ma'yuc bay ts'ilajem soc ma'yuc bay boloben, soc xujt' ma'yuc chican te bila ma lecuque. Jich ch'ultesbil ya xc'ot, soc ma'yuc te smule.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Apocalipsis 21:23

Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.