Apocalipsis 14:2 - Bible in Tzeltal de Oxchuc y Tenejapa

² Soc la caiy stojol ay bila c'opoj ta bay ch'ulchan te pajal sc'op soc te snojel ja'etique soc sc'op te tulan chawuque. Jich sc'op la caiy te bit'il ay tsobol mach'atic yac ta stijel te yarpaique.

Nuevo Testamento Tzeltal de Amatenango

² Te nax a la kaꞌiy te ay tut ya xkꞌopoj ta chꞌulchan. Jachik tutꞌil skꞌop jun nojel jaꞌ te ya xchꞌay koel ta xchꞌenale, jachik tutꞌil ya xtꞌom jun tulan ay tut xpumumete. Jachik tutꞌil jun skꞌop te bayal arpistaetik te yipalik ta stijel te yarpaike.

Bible in Tzeltal Bachajón

² Soc la jca'iy xlamlon c'op ta ch'ulchan hich te bin ut'il ya xc'opoj swihlib ha' soc hich te bin ut'il tulan ya xc'opoj chahwuc. Hich la jca'iy te bin ut'il mach'atic yac stijbelic arpa yu'unic.

Apocalipsis 14:2 Referans Kwoze

Apocalipsis 5:8

Te c'alal la stsac te balbil june, te chancojt' bitic cuxajtique soc uuc te chaneb xcha'winic (24) ta jtul mamaletique la squejan sbaic ta stojol te Alalchije. Spisilic yich'oj yarpaic soc copaetic te pasbilic ta oro te nojel ta pom, te ja' sc'opic ta sc'oponel Dios te mach'atic ch'ul lum yu'un te Diose.

Apocalipsis 1:15

Te yacane pajal soc bronce te xlememet nax te lecubtesbilix ta c'ajq'ue. C'ax tulan te sc'ope, jich bit'il ya xc'opoj bayal te snojel ja'etique.

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Ezequiel 43:2

La quil te yac ta talel ta stojol sloq'uib c'aal te xojobil yutsilal Dios yu'un Israel. Ay bila buen tulan chicnaj sc'op, pajal soc sc'op buen muc'ja' yaiyel, te lume noj ta saquil q'uinal.

Salmos 33:2

Albeyaic wocol Cajwaltic soc arpa, c'ajintaybeya c'ayojetic soc música,

2 Samuel 6:5

Jich te David soc ta spisil te israeletique yacalic ta c'ayoj soc yacalic ta beel ajc'ot ta spisil yipic ta stojol te Diose. Yacal yajc'otaybel sc'op arpaetic, salterioetic, panderoetic, castañuela soc platillo-taq'uinetic.

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Apocalipsis 18:22

Xujt' ma xchicnaj xan ta aiyel stojol ta bay calleetic te sc'op arpae soc amay soc oq'ues ta atojol. Soc ma xchicnaj xan tey a te mach'atic ya sna'ic at'ele, soc ma x'aiyot xan stojol sc'op te molinoe.

Apocalipsis 11:12

Te cheb testigoetique la yaiyic stojol te ay mach'a tulan c'opoj tel ta ch'ulchan te jich albotic yu'une: “Moanic tel li'to”, xi' sc'oplalic. Jich potsolic moel ta tocal c'alal ta ch'ulchan ta sit te yajcontroique.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Apocalipsis 1:10

Te bit'il ayon ta wentainel yu'un te Espiritue, ja' c'ot ta pasel a te bi c'aalil yu'un te Cajwaltique. Jich la caiy stojol te ay mach'a tulan yac ta c'op ta jpat. Jich sc'op la caiy te bit'il sc'op te oq'uese.

Salmos 93:4

Yan te ja'at Cajwal, te ayat ta toyol, cajal xan awu'el a te bit'il yip sbul te mare, soc te bit'il ya xc'opoj te mare.

Salmos 92:3

ya me cal ta swenta sc'op te bitic ay scuerdail, te arpa t'ujbil sc'op, soc te yantic músicaetique.

Salmos 57:8

Jajch'an, jch'ulel, cuxa awo'tan; jajch'an, cuxa awo'tan ja'ex arpa soc yantic músicaetic; ya me xjajch'on, ya me jcux co'tan, sacubix q'uinal, yach'ilix te c'aale.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

Isaías 17:13

Ja'uc me to, c'alal ya yich' comel yu'un Dios, ya xloq'uic ta anel ta c'ubul jich bit'il te taquin ac, ya xlicot bael yu'un ic' ta witstiquil, soc jich nix te bit'il tan te ya smes ta wilesel te sutu-iq'ue.

Salmos 149:3

Albeyaic yutsilal sbiil ta swenta ajc'ot, c'ajintayaic c'ayojetic soc arpaetic soc panderoetic.

Salmos 98:5

C'ajintayaic ta c'ayojetic te Cajwaltique soc arpa soc te yantic bitic ay scuerdaile.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Salmos 147:7

Albeya wocol ta c'ayoj te Cajwaltique; te Dios cu'untic c'ajintayaic soc arpa.

Salmos 43:4

Dios cu'un, te c'alal ya xc'oon ta banti scajtijib ta chiq'uel amajt'an, ya me calbat yutsil ac'oplal soc arpa. Melel ja'at Diosat cu'un, ya awac'bon caiybey yutsilal te jcuxlejale.

1 Corintios 13:1

Manchuc teme bayal ta jchajp c'opiletic te ya xc'opojon ta sc'op ants-winiquetic o sc'op ch'ul abatetic, ja'uc me to, teme ma'yuc xc'uxul te co'tane, ja' jich c'oemon te bit'il xcananet nax campana soc te bit'il stsintson nax sc'op te platilloe.

2 Crónicas 20:28

C'alal c'otic ta Jerusalén, bajt'ic ta templo yu'un te Cajwaltique, ayic ta stijel bael te salterioetic, arpaetic soc oq'uesetic.