Apocalipsis 14:14 - Bible in Tzeltal de Oxchuc y Tenejapa

¹⁴ Ay yan la quil: Ja' te saquil tocale, soc ay mach'a nacal ta sba te ja' pajal soc te Nich'anile. Ay scorona ta sjol te pasbil ta oro, soc ay ta sc'ab te os te ay yee.

Nuevo Testamento Tzeltal de Amatenango

¹⁴ La kil y la jta ta ilel jun sakil tokal, y ta sba te tokale, teꞌ nakal jtul te pajal sok gente yilele. Yichꞌoj jun skorona oro ta sjol y yichꞌoj ta skꞌab jun luk te beno yee.

Bible in Tzeltal Bachajón

¹⁴ Patil la jquil saquil tocal. Ay mach'a hucul ta sba te tocal, sjel ta Snich'an winic, ay corona ta sjol te pasbil ta oro, soc ta sc'ab ay hoz te ay ye.

Apocalipsis 14:14 Referans Kwoze

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Apocalipsis 1:13

Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.

San Lucas 21:27

Jich me ya yilic te Nich'anile te yac ta talel ta tocal soc yu'el soc bayal xojobil te yutsilale.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Salmos 97:2

Joytaybil yu'un ijc'al pimil tocaletic te muc' ajwalile; te toj-o'tanil soc te bitic toj ya xchajbane, ja' ipajem c'oem yu'un a te smuc'ul nactijibe;

Apocalipsis 6:2

Jich la quil cojt' saquil caballo. Te mach'a cajal ta spate yich'oj t'imalte' ta sc'ab, soc ac'bot scorona ta sjol. Ju' yu'un tsalaw, ta swenta tsalwanej.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

Ezequiel 1:26

Ta sba te bila joyole, ay bila la quil tey a, jich yilel te bit'il jun muc'ul nactijibal pasbil ta t'ujbil yaxal ton. Ta sba te bila pajal soc muc'ul nactijibal yilele, ay mach'a ay tey a, pajal soc winic yilel.

Salmos 21:3

La awic' ta atojol, soc la awac'bey muc' bendición, soc la awac'bey scoronain oro.

Apocalipsis 20:11

La quil ay mero muc'ul saquil nactijibal te ay mach'a nacal tey a. Loc' bael ta anel ta stojol te ch'ulchan balumilale, ma ba wejt' xan yawilic ta banti ya x'ainique.

Apocalipsis 19:12

Te site jich yac ta tilel te bit'il yat c'ajc'. Ay bayal coronaetic ta sjol. Soc ay ts'ibubil sbiil te ma'yuc mach'a ya sna'e, te ja' nax ya sna' stojol stuquele.

Apocalipsis 11:17

Jich la yalic: “Ya me caltic wocol ta atojol, Cajwal, Diosat te Spisil ya xju' awu'une. Atalel ayat ta namey, ta ora to soc te nopol ya xtalatixe. Melel la awaq'uix ta ilel te smuc'ul awu'ele. Jich ayatix ta ajwalinel atuquel.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

San Marcos 4:29

Te c'alal yijubenix a te site, te winique ya xjajch' set' ta hoz, melel yorailix te c'ajoje —xi' te Jesuse.

San Mateo 13:30

Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.