Apocalipsis 14:11 - Bible in Tzeltal de Oxchuc y Tenejapa

¹¹ Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Nuevo Testamento Tzeltal de Amatenango

¹¹ Te xchꞌailel te swokolike ya xmo bael ta sbajtel kꞌinal. Y ni maꞌyukix kuxo-oꞌtan a ta kꞌajkꞌal ajkꞌubal yuꞌun te machꞌatik ya yichꞌik ta mukꞌ te chanbalam te xiꞌbentik sbae y sok te slokꞌole, y sok te yichꞌojbeyik smarka ta skuentae.

Bible in Tzeltal Bachajón

¹¹ Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Apocalipsis 14:11 Referans Kwoze

Apocalipsis 19:3

La yalic xan: “¡Ay yutsilal! Sbajt'el q'uinal yac ta moel xch'ailel te muc'ul lume”, xiic ta aw.

Isaías 34:10

Ma me xtup' sc'aal ta c'aaletic ni ta ajc'ubal; spisil ora ya xloc' xch'ailel. Jc'axel me ya x'ijq'uitayot jilel ta sbajt'el q'uinal; ma'yuquix mach'a ya xc'ax bael tey a, ni jtuluc.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Apocalipsis 18:18

Te bit'il la yilic te yac ta moel xch'ailel ta c'ajq'uel te muc'ul lume, awunic yu'un. Jich la yalic ta aw: “Ma'yuc yan lum jich te bit'il in muc'ul lum to”, xiic yu'un.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 7:12

Jich la yalic: “¡Jichuc! Te bendicione, te ich'el ta muq'ue, te p'ijilile, te yalel wocole, te yutsilale, te yu'ele, soc te yipe, ja' ay ta swenta te Dios cu'untic sbajt'el q'uinale”, xiic.

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Salmos 145:1

Dios cu'un, ya jtoyesbat sc'oplal te amuc'ule; Muc' Ajwalil cu'un, spisil ora ya calbey yutsil te ach'ul-biile.

Salmos 10:16

Te Cajwaltique Muc' Ajwalil sbajt'el q'uinal; te mach'atic ma'yuc ta stojol Dios, ya xch'ayic bael ta stojol.

Éxodo 15:18

Te Cajwal sbajt'el q'uinal muc' ajwalil stuquel”, xiic ta c'ayoj.

Apocalipsis 22:5

Ma'yuquix ajc'ubal tey a. Ma xtuunix yu'unic te xojobil c'ajq'ue soc te xojobil c'aale, melel ja' sacuben q'uinal ta stojolic yu'un te Cajwaltic Diose. Sbajt'el q'uinal ya sjoinic ta ajwalinel te Diose.

Apocalipsis 13:12

Te bila ya spase, ja' ya spas ta swenta te bit'il ay yat'el yich'oj te sbabial muc'ul chambalam te xi'bantic sbae. Ja' ya x'at'ej ta stojol soc jich la yac'bey slajin sbaic spisil mach'atic ainemic ta balumilal ta stojol te muc'ul chambalam te xi'bantic sba te colemix yejch'ene.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Joel 2:30

Ya me cac' chicnajuc jchajp at'eliletic ta ch'ulchan soc ta lumq'uinal te muc' sc'oplale: Ch'ich', c'ajc' soc pimil ch'ail ta lumq'uinal.

Isaías 57:20

Ja'uc me to, te mach'a amenique jich c'oemic te bit'il mar te xtal xbajt'e, te ma xju' ya scom sba, te ya xch'oj loq'uel ajch'al soc c'a'pal te sbule.

Deuteronomio 28:65

Te jayeb c'aal ya xcuxinat ta bay te nacionetique, ayat me ta mel-o'tan soc ma me ayuc cux-o'tan ta atojol, melel te Cajwaltic ya me yac'bat xiwel spisil ora, ay me mel-o'tan ta asit-awelaw soc bayal yo'bolil aba.

Isaías 34:8

Ja' me sc'aalelal ya xc'ot yu'un Cajwaltic te ya yac'bey spacol te Edom; ja' ya'wilal ya xc'ot te ya x'ac'bot stoj, ta scaj te lum Sión.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Apocalipsis 13:15

Soc ac'bot ta swenta te ya yac' cuxinuc sloc'omba te sbabial chambalam te xi'bantic sbae, swenta yu'un jich me ya xc'opoj te loc'ombae soc swenta yu'un jich ya yac' ta milel spisil te mach'a ma sc'an slajin sbaic ta stojole.

Apocalipsis 13:17

Jtul ma'yuc mach'a ya yaiy manbajel soc chonbajel teme ma ba yich'oj te marcae o te sbiil te muc'ul chambalam te xi'bantic sbae, o te snumeroil te sbiile.

Apocalipsis 18:9

Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.