Apocalipsis 13:5 - Bible in Tzeltal de Oxchuc y Tenejapa

⁵ Te muc'ul chambalam te xi'bantic sbae, ac'bot permiso te ya yal te bila muc' ya xju' yu'un spasel, soc te ya stoybac'optay te Diose, soc ac'bot yich' yat'el te ya xjalaj ta at'el cheb yoxwinic (42) ue.

Nuevo Testamento Tzeltal de Amatenango

⁵ Jich a aꞌbot xan permiso te chanbalam ta stoyba-kꞌoptayel ta skontrainel te Diose, sok aꞌbot yaꞌtel te ya xjalaj kuarenta y dos ue.

Bible in Tzeltal Bachajón

⁵ Te chambahlam te xiweltic sba a'bot ye yu'un ya yal toyba-c'op soc bohlc'op, soc a'bot yich' ya'tel cheb yoxwinic (42) u.

Apocalipsis 13:5 Referans Kwoze

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Daniel 7:8

“Te c'alal yacon ta yilel a te jayeb xulube, la quil ta yolil, ay loc' xan jch'ix ch'in xulubil. Jich la yich' bulel oxch'ix te xulube, swenta yu'un jich ay yawil te ch'in xulub te patilix loq'ue. Te xulub ay bayal sit, jich sit te bit'il sit ants-winiquetic, ay ye banti ya yal bitic muq'uic sc'oplal.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Daniel 11:36

“Te muc' ajwalil ta norte ja' me ya spas te bila ya smulane. Mero bayal me te stoybaile, asta ja' toyol ya scuy sba yu'un spisil diosetic, soc ya me yalbey mero ilaybil sba ixta c'opetic ta stojol te mero cuxul Diose. Spisil me lec ya xc'ot yilel te bitic ya spase, ja' to teme ticunbot castigo ta stojol yu'un te Diose. Melel te bila quechel ya spas te Diose, ya nix me spas stuquel a.

Daniel 7:11

“Te jo'one yacon nax ta yilel. Tey baem co'tan a te bitic puro swenta toybail yacal yalel te ch'in xulubile. Te c'alal yacon ta yilel a, la yich' milel te muc'ul chambalam, la yich' sesenel scojt'ol, la yich' busanel ochel ta c'ajc'.

Apocalipsis 12:14

Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

2 Tesalonicenses 2:4

Ya me scontroin spisil te bila yu'un te Diose, soc te bila ch'uunbile. Ya me snajc'an sba ta bay yutil templo yu'un te Diose soc ya me xcaj yal sba te ja' cuxul Dios ta sc'op stuquele.

Daniel 7:20

Soc ja' nix jich co'tanuc xcaiybey sc'oplal te lajunch'ix xulube, soc nix te yan xch'in xulub te ay bayal site, te ay ye banti ya yalbey sc'oplal te bitic puro swenta toybaile, te c'axem jich smuc'ul a te bit'il te yantic xulubiletique, soc te oxeb xulubiletic te la yich' bulel loq'uel swenta sjojch'obtesel yawile.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

Salmos 12:3

Cajwal, bula loq'uel soc yisim te mach'atic cheb yo'tanic soc te ya stoy sbaique.

Daniel 8:14

La sujt'es, jich la yal: —Ja' to ta cha'mil soc jo'lajunwinic (2300) smalel c'aal soc sloq'uel tel c'aal. C'alal ya xc'ax in to, ya me yich' xan lecubtesel te ch'ul awilale —xi' la caiy.

Daniel 12:12

Bin nax me yutsilic te mach'a jun yo'tan ya smaliyic te ya xc'ax te jmil soc jo'lajuneb sjuclajunwinic (1,335) c'aale.

2 Tesalonicenses 2:3

Ma me ayuc mach'a ya awac' abaic ta lo'layel yu'un. Ma to xcha'tal te Cajwaltique. Ja' neel ya xc'ot ta pasel te ay tsobol ya xch'ay ta jc'axel te xch'uunjel yo'tanique, soc ya xchicnaj uuc te mach'a mero jmulawil winique te yu'un te ch'ayele.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Ezequiel 35:13

La ajam awe, la awixtac'optayon, la awal bayal amen c'op ta jtojol. Jo'on la caiy spisil.