Apocalipsis 13:18 - Bible in Tzeltal de Oxchuc y Tenejapa

¹⁸ Ja' in to, ya sc'an te ay sp'ijil co'tantic ta sna'el te snumeroile. Te mach'a ay sp'ijil yo'tane, ac'a yajtaybey snumero te muc'ul chambalam te xi'bantic sbae, te ja' snumeroil te winique. Te snumeroile seiscientos sesenta y seis (666) ja' bi olil xcha'bajc' soc waqueb xchanwinic.

Nuevo Testamento Tzeltal de Amatenango

¹⁸ Jaꞌ yajtalul to ya skꞌan te ay jpꞌijiltik ta snaꞌele. Te machꞌa ya yaꞌibe sluwarile, ichꞌa jkuenta te yajtalul te chanbalam te xiꞌbentik sbae, ja te jun yajtalul gentee. Te yajtalul abi, jaꞌ te seisiento sesenta y seis.

Bible in Tzeltal Bachajón

¹⁸ Ya sc'an p'ijil-o'tanil li'i. Te mach'a ya sna' q'uinal ac'a sna'be te snumerohil te chambahlam te xiweltic sba, como ha snumerohil winic. Hich ay te snumerohile: 666 (waqueb, waqueb, waqueb).

Apocalipsis 13:18 Referans Kwoze

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 17:9

“Ya sc'an te ay sp'ijil awo'tan teme ya ac'an ya ana' stojol in to. Te jucp'ij sjole, ja' seña te juqueb wits ta bay nacal te antse,

Apocalipsis 21:17

Soc la sp'is te sts'ajc'ule. Loc' jo'eb xchanwinic (65) metro. Te ch'ul abate la sp'is te muc'ul lume te bila swenta p'isjibal yu'un te ants-winiquetique.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

San Marcos 13:14

“Te j'alwanej yu'un Dios te Daniel sbiile la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ochemix tey a te banti ma ja'uc yawile, ac'a me anuquic bael ta witstiquil te mach'atic ayic ta sq'uinal Judea.

Daniel 12:10

Ay me mach'atic bayal ya xc'ax yu'un te woclajel albil sc'oplale, pero buen lec me soc buen chapalic me ya xloq'uic yu'un. Te mach'atic amen yo'tanique, stalel me ya xjilic ta spasel xan te bitic amene, melel ma me xc'ot ta yo'tan stuquelic te bila ya xc'ot ta pasele. Yan te mach'atic ay sp'ijilique, ya me sna'ic spisil stuquelic.

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

Salmos 107:43

Te mach'a ay sp'ijile ya sc'an te ay ta yo'tan ta spisil, soc te yacuc sna'beyic swentail te xc'uxul yo'tan te Cajwaltique.

Deuteronomio 3:11

(Te muc' ajwalil Og ja' slajibal sts'umbal te refaimetique. Te swayibe puro taq'uin pasbil, ay chaneb metro snajt'il soc jteb xanix ma ba staoj cheb metro sjamalul. Chican to ta ilel ta lum Rabá te ay ta sq'uinal te amonetique.)

Romanos 3:5

Teme ta swenta te bila ma lecuc la jpastique, tey chican xan ta lec a te bit'il toj ya xchajbanwan te Diose, ¿bila ya caltic yu'un? ¿Yu'un bal ma lecuc te bila ya spas te Dios te ya yac'botic castigo yu'un te jmultique? (Jich ya xc'opojon te bit'il ya xc'opojic te ants-winiquetique.)