Apocalipsis 13:14 - Bible in Tzeltal de Oxchuc y Tenejapa

¹⁴ Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Nuevo Testamento Tzeltal de Amatenango

¹⁴ Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Bible in Tzeltal Bachajón

¹⁴ Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Apocalipsis 13:14 Referans Kwoze

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Apocalipsis 16:2

Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

Apocalipsis 13:15

Soc ac'bot ta swenta te ya yac' cuxinuc sloc'omba te sbabial chambalam te xi'bantic sbae, swenta yu'un jich me ya xc'opoj te loc'ombae soc swenta yu'un jich ya yac' ta milel spisil te mach'a ma sc'an slajin sbaic ta stojole.

2 Tesalonicenses 2:4

Ya me scontroin spisil te bila yu'un te Diose, soc te bila ch'uunbile. Ya me snajc'an sba ta bay yutil templo yu'un te Diose soc ya me xcaj yal sba te ja' cuxul Dios ta sc'op stuquele.

Daniel 11:36

“Te muc' ajwalil ta norte ja' me ya spas te bila ya smulane. Mero bayal me te stoybaile, asta ja' toyol ya scuy sba yu'un spisil diosetic, soc ya me yalbey mero ilaybil sba ixta c'opetic ta stojol te mero cuxul Diose. Spisil me lec ya xc'ot yilel te bitic ya spase, ja' to teme ticunbot castigo ta stojol yu'un te Diose. Melel te bila quechel ya spas te Diose, ya nix me spas stuquel a.

Ezequiel 16:17

La atsac te t'ujbil oro soc te plata te jo'on la cac'bate, ja' la apasbey sloc'ombail winiquetic a, swenta yu'un ya apas mulil soc a.

Ezequiel 14:9

“Teme ay j'alwanej te ma meleluc te c'op ya yale, yu'un me jo'on Ajwalilon te la jlo'lay te j'alwanej abi. Jo'on me ya jtoy jc'ab ta yaq'uel castigo, soc ya me jloq'ues ta lum Israel cu'un.

Isaías 44:20

Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.

Job 12:16

Ta swenta yu'el ya yaiy tsalaw stuquel te Diose. Ja' nix swentainej te mach'a lo'laybil soc swentainej te jlo'laywaneje.

2 Reyes 22:20

Ja' yu'un ya me cac' te lamal q'uinal a te ya xlajate, ya me xba ajoin te anima ame'-atate. Ma ba ya awilix te wocol ya cac'bey ta stojol te q'uinal in to”, xi' te Cajwaltic —xi' te Huldae. Te mach'atic la sticun te muc' ajwalile, sujt' bael ta stojol, bajt' ta alel yaiy te sujt'ib te sc'ope.

2 Reyes 20:7

Te Isaías la sticun ta juch'el higoetic. C'alal ju' ta pasel, la yac'beyic tey ta banti c'ux la yaiy te muc' ajwalile, jich lecub.

Ezequiel 8:10

Ochon bael, ta spisil snajt'il bael te ts'ajq'ue, la quil tey loc'taybilic ta c'abal spisil ta jchajp a te chambalametic staslajan ya xbeenic ta lume, soc nix yantic chambalametic te amen sc'oplalic, soc spisil ta jchajp te bitic cuybil ta Dios yu'un Israel.

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Apocalipsis 13:1

La stejc'an sba ta bay sji'al mar te muc'ul chane. La quil loc' tel ta mar muc'ul chambalam te xi'bantic sbae, ay juqueb sjol soc lajunch'ix xulub. Ta juju-jch'ix te xulube ay scorona, soc ta bay juju-jp'ij te sjole ts'ibubil sbiil swenta stoybac'optayel te Diose.

Apocalipsis 16:13

La quil chicnaj oxeb pucujetic te jich yilelic te bit'il xch'uch' te loc' tel ta ye te muc'ul chan te xi'bantic sba ta ilele soc ta ye te muc'ul chambalam te xi'bantic sbae, soc ta ye te lotil j'alwaneje.

2 Crónicas 18:21

Te espíritu la sjac' te ya yac'bey yalic lot yu'un spisil te j'alwanejetic yu'un te muc' ajwalile. Jich te Cajwaltic la yal te ya me xju' yu'un slo'lay, jich ac'a ba spas.