Apocalipsis 12:7 - Bible in Tzeltal de Oxchuc y Tenejapa

⁷ Patil la quil te ay guerra ta yolil ch'ulchan. Te wolwanej ch'ul abat Miguele soc te ch'ul abatetique la stsal sbaic soc te muc'ul chan te xi'bantic sbae. Te chane soc te abatetic yu'une la yaq'uic puersa ta guerra,

Nuevo Testamento Tzeltal de Amatenango

⁷ Ta patil ay jajch tulan pleto ta chꞌulchan. Te jMiguel y sok te angeletik yuꞌune la yaꞌbe sbaik sok te mukꞌul chan te xiꞌbentik sbae. Te mukꞌul chan y sok te angeletik yuꞌune la yaꞌbe sbaik soke,

Bible in Tzeltal Bachajón

⁷ Hahch guerra ta ch'ulchan: te Miguel soc te ch'ul a'batetic yu'un la stsal sbahic soc te dragón. Te dragón soc te a'batetic yu'un la ya'beyic guerra,

Apocalipsis 12:7 Referans Kwoze

Judas 1:9

Yan te Miguele, te jwolwanej yu'un te ch'ul abatetique, tulan c'opoj soc te pucuj ta swenta sbaq'uetal Moisés te c'alal lajemix ae. Ja'uc me to, ma ba jelaw sc'op te Miguele. Ma la yalbey xch'ayel te pucuje. Ja' nax jich la yalbey: “Te Cajwaltique ya me scomat stuquel”, xi' soc.

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Apocalipsis 20:2

Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.

Daniel 10:21

Yo'tic ya calbat awaiy te bila ts'ibubil ta slibroil te bila smelelile. Te guerra ya cac'bey jba soque, ja' nax ya scoltayon te Miguel, te jcanantaywanej ch'ul abat yu'un Israel.

Daniel 10:13

Te ch'ul abat jcanantaywanej yu'un Persia, jun xcha'winic (21) c'aal tulan la yac' sba ta jtojol. Pero te Miguel te ja' jtul ta jwolwanejetic yu'un te ch'ul abatetic, ja' tal scoltayon. Melel te manchuc tale, tey jilon jtuquel ta yolilic te ajwaliletic ta Persia te jichuque.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

2 Corintios 12:7

Te bila ac'boton jna' stojole jelawen nax yutsilal stuquel. Ja'uc me to, swenta yu'un ma me jtoy jba yu'un, jich ac'boton te bila c'ux ta jbaq'uetal te pajal soc muc'ul ch'ix te ts'apal ta jbaq'uetal ya caiye. Ja' yat'ejib Satanás te la yejch'entesone.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

Salmos 78:49

Dios la sticun yilimba ta stojolic: ja' te sc'ajc'al yo'tane, te xc'uxul woclajel soc te castigoe jich c'oem ta stojolic te bit'il abatetic te ya xlajinwanique.

San Mateo 26:53

¿Acuyoj bal te ma xju' cu'un ya jc'anbey Jtat te ya scoltayone? Ya me sticunbon tel ta ora c'axem ta lajchaytijc' te ch'ul abatetic te jichuque.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

Isaías 55:4

Ja' la cac' ta testigo ta stojol te nacionetique, la cac' ta jtsobwanej soc ta jp'ijubteswanej ta stojol te lumetique.

Isaías 34:5

Ya xchicnaj ta ch'ulchan spuñal te Cajwaltique; ya xch'ay coel ta stojol Edom, ja' te lum te ya yil swocol ta lajele.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

Apocalipsis 12:8

ja'uc me to, ma ju' yu'unic te tsalawe. Jich ma la staiquix te banti ya x'ainic ta bay te ch'ulchane.