Apocalipsis 12:4 - Bible in Tzeltal de Oxchuc y Tenejapa

⁴ Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

Nuevo Testamento Tzeltal de Amatenango

⁴ Sok te snee la smes xejtꞌ ta yoxxejtꞌel te ekꞌetik ta chꞌulchan y la xchꞌoj koel ta sba balmilal. Te mukꞌul chane la stejkꞌan sba ta stojol te ants te ya xpajtix yoꞌtan ae, yuꞌun ya stiꞌbey ta ora te kꞌalal ya xꞌayin te xchꞌin yale.

Bible in Tzeltal Bachajón

⁴ Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Apocalipsis 12:4 Referans Kwoze

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Apocalipsis 9:19

Melel te caballoetique ya xlajinwanic ta yeic soc ta sneic. Yu'un te sneique pajal yilel soc te jti'awal chane. Ay sjolic te ya yaiyic uts'inwanej soque.

Apocalipsis 9:10

Ay sneic jich bit'il sne te tseque te ya xti'awanique. Ac'bot ta swenta sneic yuts'inel jo'eb u te ants-winiquetique.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

Éxodo 1:16

—Te c'alal ya xba awilic te hebrea-antsetic te ya x'alajique, ilawilic ta lec te bi alalil te ya x'ayine. Teme ach'ixe, ac'a cuxinuc, yan teme quereme, milaic —xi' sc'oplalic.

Apocalipsis 17:18

Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

Apocalipsis 8:8

Te xchebal ch'ul abate la yoq'uesin te oq'uese. Chicnaj la quil te jich yilel te bit'il muc'ul wits te yac ta tilel ta c'ajq'uel. La yich' ch'ojel ochel ta bay te mare. C'atp'uj ta ch'ich' jxejt' ta yox-xejt'el te mare.

Apocalipsis 8:9

Ta spisil te bitic cuxajtic ta mare, jteb ma oliluc te laje, soc jteb ma oliluc jin te barcoetique.

Apocalipsis 8:10

Te yoxebal ch'ul abate la yoq'uesin te oq'uese. Ay muc'ul ec' ch'ay coel tel ta ch'ulchan te yac ta tilel jich bit'il silbil taje. C'ot ta bay jteb ma oliluc te muc' ja'etique soc te sloc'ja'etique.

Apocalipsis 8:11

Ch'aal Wamal sbiil te eq'ue. Mero ch'a c'ot te ja'etic yu'une. Jich laj bayal ta jtul te ants-winiquetic ta swenta te ja'e, yu'un mero c'ax jelawen nax xch'aal c'ot.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 12:7

Patil la quil te ay guerra ta yolil ch'ulchan. Te wolwanej ch'ul abat Miguele soc te ch'ul abatetique la stsal sbaic soc te muc'ul chan te xi'bantic sbae. Te chane soc te abatetic yu'une la yaq'uic puersa ta guerra,

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Apocalipsis 13:4

La slajin sbaic ta stojol te muc'ul chan te xi'bantic sbae te yac'ojbey yich' yat'el te muc'ul chambalam te xi'bantic sbae. Soc la slajin sbaic ta stojol te muc'ul chambalam te xi'bantic sbae. Jich la yalic: “¿Mach'a me pajal soc te muc'ul chambalam te xi'bantic sbae? ¿Ay bal mach'a ya xju' yu'un te ya stsal sba soque?”, xiic la caiy.

Apocalipsis 16:13

La quil chicnaj oxeb pucujetic te jich yilelic te bit'il xch'uch' te loc' tel ta ye te muc'ul chan te xi'bantic sba ta ilele soc ta ye te muc'ul chambalam te xi'bantic sbae, soc ta ye te lotil j'alwaneje.

Apocalipsis 20:2

Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.