Apocalipsis 12:15 - Bible in Tzeltal de Oxchuc y Tenejapa

¹⁵ Te chane la smal loq'uel ja' ta ye. Jich c'ot te bit'il muc'ja', yu'un ya me xlicot bael yu'un te antse.

Nuevo Testamento Tzeltal de Amatenango

¹⁵ Te chane la xchꞌoj lokꞌel jaꞌ ta stiꞌ yuꞌun ya skꞌajtates ta mukꞌul ukꞌum yuꞌun ya xbajt ta jaꞌa te antse.

Bible in Tzeltal Bachajón

¹⁵ Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.

Apocalipsis 12:15 Referans Kwoze

Isaías 59:19

Te mach'atic ayic ta spamal balumilal, c'alal ta sloq'uib c'aal ja' to ta smalib c'aal, ya me yich'ic ta muc' te Cajwaltic te c'alal ya yilbeyic yutsilal xojobil te yat'ele. Melel jich me ya xtal te bit'il snojel ja' te ya xtijot tel yu'un tulan iq'ue.

Isaías 8:7

Jich yu'un te Cajwaltic ya smuc ta ja', ya smuc ta yip muc'ul ja' Éufrates (ja' sc'oplal te muc' ajwalil yu'un Asiria soc spisil te yipe). Ya xmal loq'uel ta sti'il yoc te ja'e, ya me xloc' bael spisil ta sti'il,

Salmos 18:4

La sbech'on ta slazoil te lajele; xiwon yu'un te la slicon ta yip ja' c'oeme.

Isaías 28:2

Te Cajwaltic sq'uejoj jtul winic te bayal yipe, jich me yip te bit'il ya xtal te bate, jich bit'il tulanil ic' te jinwaneje, jich bit'il stulanil yip te xchawuquil ja'ale, jich bit'il snojel ja' te ya xmal loq'uel ta sba lumq'uinal te xiweltic nax sbae. Ta sc'ab ya me xch'oj coel ta lum,

Salmos 65:7

Ja'at ya acom te c'alal ya xjajch' niletel yip te ja'e, soc te c'alal ya xjajch' ch'inlajanel yajwal te lumetique.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Génesis 3:1

Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 12:16

Ja'uc me to, te antse la yich' coltayel yu'un te lumq'uinale. Melel te lumq'uinale la sjam sba ta yuch'el te muc'ja' te mal loq'uel ta ye te muc'ul chan te xi'bantic sbae.

Apocalipsis 20:2

Te ch'ul abate la stsac te muc'ul chan te xiweltic sba ta ilele, te ja' te namey q'uinal chan te pucuj soc Satanás xi' te sbiile. Te ch'ul abate la xchuc ta cadena jmil (1,000) ja'wil.