Apocalipsis 12:14 - Bible in Tzeltal de Oxchuc y Tenejapa

¹⁴ Te antse ac'bot xiq'uin xchebal xic' te muc'ul águila, swenta yu'un ya xju' ya xwil bael c'alal ta bay yawil ta jochol taquin q'uinal te c'ubul ya yil sba soc te chane. Tey ya yich' mac'linel olil xchaneb ja'wil a.

Nuevo Testamento Tzeltal de Amatenango

¹⁴ Pero te antse aꞌbot cheb smamki xikꞌ te xike, yuꞌun ya spas xwil bael a te ba ay sluwar ta jojchol tꞌantꞌan kꞌinal te ya xjakalej bael te ba ay te chane. Teꞌ ya xmakꞌlintesot a te ya xjalaj oxeb jaꞌbil sok olile.

Bible in Tzeltal Bachajón

¹⁴ Te ants a'bot cheb xic' muc'ul jxic scuenta yu'un hich ya xwihl loq'uel ta stojol te chan, ya xbaht ta jochol taquin q'uinal ta banti ya yich' mac'linel jun shalalil, cheb shalalil, soc j'ohlil shalalil.

Apocalipsis 12:14 Referans Kwoze

Éxodo 19:4

“Ja'ex awilojic te bitic la jpas ta stojol te egipcioetique, soc te bit'il talex cu'un li' c'alal to, melel cajalex tel cu'un ta sba xic' águila c'oem.

Isaías 40:31

Yan te mach'atic ya smuc'ulin yo'tanic te Cajwaltique, spisil me ora ya x'ach'ub yipic stuquelic. Jich me ya xju' xwilic c'oem te bit'il águila; ya xju' x'animajic, mero ma xlubic, soc ma xcom yo'tanic te ya xbeenique.

Apocalipsis 12:6

Yan te antse, an bael c'alal jochol taquin q'uinal ta banti ay yawil te chajbanbil yu'un te Diose, swenta yu'un tey ya yich' mac'linel oxbajc' soc oxwinic (1260) c'aal a.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

Salmos 55:6

Jich ya cal yu'un: “Ayuc nix bit'il ay jxic' jichuc stsumut, ya me xwilon bael te jichuque; jich me ya jcux co'tan.

Apocalipsis 17:3

Te Espíritu la swentainon ta yu'el. Jich ic'bilon bael la caiy c'alal ta jochol taquin q'uinal yu'un te ch'ul abate. Tey la quil jtul ants a te cajal ta spat tsajal chambalam te xi'bantic sbae, scojt'ol ts'ibubil biililetic swenta stoybac'optayel te Diose. Ay jucp'ij sjol soc lajunch'ix xulub.

Daniel 8:14

La sujt'es, jich la yal: —Ja' to ta cha'mil soc jo'lajunwinic (2300) smalel c'aal soc sloq'uel tel c'aal. C'alal ya xc'ax in to, ya me yich' xan lecubtesel te ch'ul awilale —xi' la caiy.