Apocalipsis 12:12 - Bible in Tzeltal de Oxchuc y Tenejapa

¹² Jich yu'un bayaluc me sbujts' awo'tanic, ja'ex te ainemex ta ch'ulchane. ¡Ay, ja'ex te nainemex ta balumilal soc ta bay te mare ya me awil awocolic! Yu'un coix tel ta banti ayex te Pucuje. Bayal lijq'uem sjol, yu'un sna'ojix stojol te ma'yuquix bayal c'aale”, xi'.

Nuevo Testamento Tzeltal de Amatenango

¹² Jaꞌ yuꞌun kontentoukex me te jaꞌex te kuxajtikex te ba chꞌulchane. Pero oꞌol me sbaik te machꞌatik kuxajtik ta balmilale y sok ta mare. Porke te pukuje, te lom ilineme, snaꞌoj te ma jalukix ay skꞌaalel, sok koem tal te ya skontrainex”, xchi.

Bible in Tzeltal Bachajón

¹² Ha yu'un tse'eluc me awo'tan, ha'at ch'ulchan, soc ha'ex te nahinemex tey a. ¡Pero ay me swocolic te mach'atic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yu'un ya sna' te nopol ya xlaj ora yu'un, xchi.

Apocalipsis 12:12 Referans Kwoze

Apocalipsis 8:13

Jich la quil te ay jtul ch'ul abat te yac ta wilel ta bay sjamalul te ch'ulchane. Tulan yac ta c'op la caiy: “¡Ay! C'ax obol sbaic te mach'atic nainemic ta balumilale, ta scaj te c'alal ya x'oq'uesinot te oxeb xan oq'uesetic te ya yoq'uesinic te oxeb xan ch'ul abatetique”, xi'.

Isaías 49:13

Ja'at ch'ulchan, awunan yu'un yutsil awo'tan. Ja'at lumq'uinal, nojuc me yutsil awo'tan. Ja'ex witstiquil, wilanic ta aw yu'un yutsil awo'tanic. Melel te Cajwaltic la smuc'tesbeyix q'uinal yaiy te lum yu'une; la sna'beyix yo'bolil sba yu'un te swocole.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Apocalipsis 9:12

C'axix te sbacumul woclajele. Ay to sc'an xan cha'cum woclajel.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

Apocalipsis 11:14

C'axix te xcha'cumul woclajele. Ja' ya xtalix te yoxebal woclajele.

2 Pedro 3:8

Quermanotac te bayal c'uxex ta co'tane, ma me xch'ay ta awo'tanic in to: Te jmil ja'wile, jun nax c'aal ta yo'tan te Cajwaltique. In te jun c'aale, pajal soc te jmil ja'wile.

Hebreos 10:37

Melel ya yal te Sjun Diose: “Nopol ya xtal te mach'a ya xtale, jteb xanix sc'an te ya xtale, soc ma ba jalix c'aal.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 13:6

Jich jajch' scontroc'optay te Diose, soc jajch' yixta-c'optaybey te sbiile soc te templo yu'une soc te mach'atic nainemic ta ch'ulchane.