Apocalipsis 12:10 - Bible in Tzeltal de Oxchuc y Tenejapa

¹⁰ Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Nuevo Testamento Tzeltal de Amatenango

¹⁰ Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

Bible in Tzeltal Bachajón

¹⁰ Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Apocalipsis 12:10 Referans Kwoze

San Lucas 22:31

“Simón, Simón, aiya awaiy stojol. C'anbilatix yu'un te Satanase, yu'un ya xchijch'anat jich bit'il trigo.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Job 1:11

Pero te yacuc apojbey spisil te bitic ay yu'une, ya me awil te ya xjajch' yixtac'optayate —xi'.

Job 1:9

Pero te Satanás jich la yal: —A, pero ma tojoluc te mero jun yo'tan yac'oj sba ta abatinel awu'une.

Apocalipsis 2:26

Te mach'atic ya xju' yu'unic tsalawe soc te ya yat'elinic spasel ja' to c'alal ta slajibal c'aal te bila ya sc'an co'tane, ya me cac'bey yich' yat'elic ta stojol te nacionetique,

2 Corintios 12:9

Ja'uc me to, jich la yalbon: “Tic'at a te yutsil co'tan awu'une. Melel te cu'ele ja' ya xchicnaj ta lec a te c'alal ma'yuc awipe”, la yuton. Jich yu'un, bin nax co'tan yu'un te bit'il ma'yuc quipe, swenta yu'un jich ya me xchicnaj ta jwenta te yu'el te Cristoe.

San Lucas 11:2

Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 6:10

Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

Salmos 22:28

Melel te Cajwaltic ja' muc' ajwalil stuquel, ja' ya xmandalaj ta stojol spisil te nacionetique.

Job 2:5

Teme ay bila ya awac' c'otuc ta mero sbaq'uetale, ya me awil teme ma ta asituc ya yutat yu'une —xi'.

Tito 2:3

Ja' nanix jich uuc te jme'tiquetique. Ya sc'an te buen lec ayic ta q'uinale, te ma xlewanic ta c'ope, te ma smosoinotic yu'un te yacubele, soc te ja' ya yaq'uic ta nopel te bila lec ta pasele.

1 Corintios 5:4

Tsoba me abaic ta swenta sbiil te Cajwaltic Jesucristoe, ya me joinex ta co'tan soc te yu'el te Cajwaltic Jesucristoe.

Salmos 45:6

Sbajt'el q'uinal awich'oj awat'el ta muc' ajwalil, stojil ya spasawanat ta mandal.

Apocalipsis 7:10

Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.