Apocalipsis 12:1 - Bible in Tzeltal de Oxchuc y Tenejapa

¹ Soc chicnaj muc'ul seña ta yolil ch'ulchan, ja' bi jtul ants te sc'u'inej te c'aale soc stejc'abinej te ue, soc scoronainej lajchayeb ec' ta sjol.

Nuevo Testamento Tzeltal de Amatenango

¹ Chiknaj ta chꞌulchan jun mukꞌul señail: jaꞌ te jtul ants pixbil ta kꞌajkꞌal jachik tutꞌil jun kꞌuꞌul-pakꞌal. Te yoke stekꞌtajibinej te ue, y te ba sjole yichꞌoj jun korona sok lajchayeb ekꞌetik.

Bible in Tzeltal Bachajón

¹ Chicnaj ta ch'ulchan muc'ul seña: jtuhl ants sc'u'inej te c'ahc'al, ay ta ye'tal yoc te u soc scoronahinej lahchayeb (12) ec' ta sjol.

Apocalipsis 12:1 Referans Kwoze

San Lucas 21:25

“Soc ya me xchicnaj señailetic ta bay te c'aale, ta bay u, soc ta bay eq'uetic. Soc ta sba balumilal ya me xc'opoj tulan soc sbul te mare. Jich te lumlumtique bayal me swocol ya yaiy ta yo'tanic ta scaj te xiwele.

Efesios 5:32

Ja' in to, mero bayal sc'oplal te ma ba na'ot stojol ta neelale. Ja' sc'oplal Cristo soc te jch'uunjeletique.

Isaías 62:3

Jich me ya xc'oat te bit'il t'ujbil corona swenta muc' ajwalil, ta sc'ab te Cajwaltic Dios awu'une.

San Marcos 13:25

soc ya xch'ay coel ta ch'ulchan te eq'uetique. Soc ya yich' tijel te bitic ay yipic ta yolil te ch'ulchane.

Cantares 6:10

¿Mach'a a te ya xchicnaj ta ilel te ja' pajal soc te c'aal ya xchicnaj ta jujun sabe? Buen t'ujbil jichuc u, bayal xojobil jichuc c'aal, ya stsalawan jichuc jchajp soldadoetic te ayic ta marcha.

San Lucas 21:11

Ya me xchicnaj tulan nijq'uel, wi'nal ta bayuc, tulan chamel, bayal xiwel soc muc' señailetic ta yolil ch'ulchan.

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

2 Crónicas 32:31

Jich c'ot ta pasel te c'alal la sticun tel abatetic te ajwaliletic yu'un Babilonia ta swenta yula'tayel, soc tal sjojc'oyic yaiy te jchajp at'elil te c'ot ta pasel ta nación yu'une. Te Ezequías ijq'uitayot yu'un Dios ta swenta prueba ta stojol, yu'un jich ya xna'bot a te yo'tane.

Apocalipsis 21:23

Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Apocalipsis 12:3

Soc chicnaj yan seña ta yolil ch'ulchan, ja' te muc'ul tsajal chan te xi'bantic sbae. Ay juqueb te sjole soc lajunch'ix xulub, soc ay scorona juju-jp'ij te sjole.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Hechos 2:19

Ta stoyolil ch'ulchan ya me cac' ta ilel jchajp at'eliletic, soc ta balumilal ya me cac' ta ilel señailetic, ay me ch'ich' soc c'ajc' soc bayal te ch'aile.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.

Zacarías 9:16

Te c'alal ya xc'ot sc'aalelal, te Cajwaltic te Dios cu'untic ya me scoltay te lum yu'une, jich te bit'il jtsojp chijetic. Soc ya me xojobajic ta slumalic nix te mach'atic ay yu'unic, jich bit'il buen t'ujbil ch'in tonetic ta corona.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

San Mateo 12:38

Ay fariseoetic soc jts'ibojometic te la sc'oponic te Jesuse: —Maestro, ya jc'antic te yacuc awac'botic seña awu'el quiltic —xiic.

Apocalipsis 21:14

Ay lajchayeb ton yiptajib te sts'ajc'ul te lume ta bay ts'ibubil sbiilic te lajchaytul jpuc-c'opetic yu'un te Alalchije.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Gálatas 3:27

Melel te jayebex te awich'ojic ja' ta swenta te Cristoe, ja' ac'u'inejiquix te Cristoe.

2 Corintios 11:2

Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

Romanos 3:22

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique,

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.