Apocalipsis 11:8 - Bible in Tzeltal de Oxchuc y Tenejapa

⁸ Tixil me ya xjil sbaq'uetalic ta calle ta bay muc'ul lum te banti la yich' jijp'anel ta cruz te Cajwaltique, te muc'ul lum Sodoma sbiil soc Egipto sbiil ta alel sc'oplal.

Nuevo Testamento Tzeltal de Amatenango

⁸ Te stiꞌbalulik tixajtik me ya xjil ta kayailtik te ba mukꞌul jtejklum te ba jijpanot ta krus te Yajwalike. Jaꞌ te mukꞌul jtejklum Sodoma sbiil, sok Egipto sbiil ta alel.

Bible in Tzeltal Bachajón

⁸ Pujul ya xhil sbaq'uetalic ta calle yu'un te muc'ul pueblo, ha te Sodoma soc Egipto sbihil, tey nix ta banti laj ta milel ta cruz te Cajwaltique.

Apocalipsis 11:8 Referans Kwoze

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 18:21

Soc ay jtul ch'ul abat la quil te ay bayal yipe. La sq'uech muc'ul ton te pajal soc te muc'ul cha'. La xch'oj ochel ta mar. Jich la yal: “Jich me ya awich' ch'ojel coel, muc'ul lum Babilonia. Soc jc'axel me ya xch'ayat ta q'uinal.

Hebreos 13:12

Ja' swentail ta pat lum to c'ax swocol ta lajel te Jesuse, swenta yu'un jich me jc'axel ya yutstes ta swenta xch'ich'el stuquel te lum yu'une.

Apocalipsis 18:18

Te bit'il la yilic te yac ta moel xch'ailel ta c'ajq'uel te muc'ul lume, awunic yu'un. Jich la yalic ta aw: “Ma'yuc yan lum jich te bit'il in muc'ul lum to”, xiic yu'un.

Apocalipsis 11:9

Te lumetic te yanyantic sts'umbalique soc te yanyantic sc'opique soc te yanyantic nacionetique, olil xchaneb c'aal ya me yilbeyic sbaq'uetalic te tixilic ta comonsitil. Ma xyac'beyic te ya yich' muquel te sbaq'uetalique.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

San Mateo 10:15

Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

Amós 4:11

—La jlajinex jich bit'il la jlajin Sodoma soc Gomorra; jich jilat te bit'il xutumte' loq'uesbil tel ta c'ajc'. Ja'uc me to, ma la asujt'es awo'tanic ta jtojol yu'un —xi' ta tulan te Cajwaltique.

Ezequiel 23:27

Jich me ya cac'bey slajibal a te bit'il mero libre ayat la awaiy ta spasel te mulil te la awac' aba ta antsinel ta Egipto. Ma'yuquix bi ora ya awil soc ma'yuquix bi ora ya ana' xan.

Ezequiel 23:19

Pero la yac' xan puersa ta spasel bael te mulile. La sna' te yach'ixale, te c'alal la spas jajch'el mulil ta Egipto.

Ezequiel 23:8

Te c'alal ay ta Egipto ta neelal toe, tey och ta jmulawil ants a, ma ba la yijq'uitayix spasel. Te c'alal ach'ix to a tsobol mach'atic way soc, jich la slajinbeyic yach'ixal, och ta antsinel yu'unic ta jc'axel.

Ezequiel 23:3

C'alal jch'ielic to a, la yac' sbaic ta jmulawil ants. Ta Egipto la yac' ta piquel xchu'ic, ch'ay te yach'ixalique.

Isaías 3:9

Ja' nix ya xchicnaj ta yelawic te smulique; ma xju' ya smuquic. Ja' pajalic soc te lum Sodoma, ya xchicnaj smulic ta stojol spisil balumilal. ¡Obol me sbaic, melel stuquelic nix te ya xchajban castigo ta stojolique!

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Génesis 19:24

Te Cajwaltic la yac' tel azufre soc c'ajc' ta ch'ulchan jich bit'il ja'al ta stojol te lum Sodoma soc te lum Gomorra.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Apocalipsis 18:2

Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 14:8

Tsac'linot yu'un yan ch'ul abat te jich la yale: “Jc'axel jinix te muc'ul lum Babilonia te la syacubtes spisil ta jchajp nacionetic a te vino yu'une, ja' bi ja' te la yac'bey snopic te smulweje”, xi' ta aw la caiy.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Hebreos 6:6

teme yoloj ya yijq'uitayic ta ch'uunel te Snich'an Diose, jich ma xju'ix te ya x'ac'bot sujt'es xan yo'tanique. Yu'un ja'ic ya yaq'uic xan ta jijp'anel ta cruz c'oem te Snich'an Diose, soc ya yaq'uic xan ta labanel ta comonsitil.

Hechos 9:4

Jich te Sauloe t'uxaj coel ta lum. Ay mach'a c'opoj la yaiy te jich la yale: —Saulo, Saulo, ¿bistuc ya awuts'inon? —xi'.

Jeremías 26:23

Ba yiq'uic tel ta Egipto te Urías, la yac'beyic ta sc'ab te muc' ajwalil Joacim, te ja' la yal mandal ta milel. La yac'beyic ochel sbaq'uetal ta bay comon muquenal.

Apocalipsis 18:24

Melel ta bay te muc'ul lume, chicnajix te tey malbil xch'ich'elic te j'alwanejetic yu'un te Diose soc te mach'atic ch'ul lum yu'un te Diose soc spisil yantic te lajemic ta milel ta balumilale.

Apocalipsis 17:5

Ay sbiil te muquen ay sc'oplal te ts'ibubil ta stibae: “Muc'ul lum Babilonia, sme' spisil jmulawil antsetic soc spisil te bila ya yilay ta balumilal te Diose”, xi' te sbiile.

Apocalipsis 17:1

Tal sc'oponon jtul ta sjuctululic te ch'ul abatetic te yich'ojic te juqueb copaetique. Jich la yalbon: —La' li'to, ya cac'bat awil te castigo ya yich' te mero jmulawil ants te nacal ta sba te maretique.

Ezequiel 37:11

Te Cajwaltic jich la yalbon: —Te lum Israel ja' pajal soc te baquetic in to. Melel jich yacalic ta yalel: “Taquejemix te jbaqueltique. Ma'yuquix bila lec ya jmaliytic; ch'ayemotiquix”, xiic.

Ezequiel 16:46

Ta stojol norte ay a te awixe, ja' te lum Samaria soc te ch'in lumetic yu'une. Ta stojol sur ay te awijts'ine, ja' te lum Sodoma, ja' nix soc te ch'in lumetic yu'une.

Ezequiel 16:49

Te awijts'in Sodoma soc te ch'in lumetic yu'une, mero toyol la yac' sba yu'un te ay mero bayal swe'el-yuch'ele, soc te ma'yuc bila pasot falta yu'une. Pero ma'yuc bi ora ay bi la scoltay a te me'baetic soc te mach'atic ma'yuc bi ay yu'unique.

Apocalipsis 14:20

La yich' teq'uel ta pits'el ta bay spat te lume, ta bay te spits'jibale loc' tel ch'ich' tey a. Te stoylejal pamaj ta lum te ch'ich'e, jich bit'il ta bay stoylejal sfrenoil ye te caballoe, soc jo'lajunwinic (300) kilómetro te spamlejale.

Apocalipsis 17:18

Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.