Apocalipsis 11:6 - Bible in Tzeltal de Oxchuc y Tenejapa

⁶ Te testigoetique ay me yu'elic ta smaquel te ch'ulchane, swenta yu'un ma ba ya xtal ja'al te jayeb c'aal ya xc'opojic ta j'alwaneje. Soc ya xju' yu'unic te ya sc'atp'unic ta ch'ich' te ja'e, soc ya xju' yu'unic te ya yac' c'axuc spisil ta jchajp swocol te balumilale, chican jayeb buelta ya sc'an yo'tanic te ya spasique.

Nuevo Testamento Tzeltal de Amatenango

⁶ Te testigoetik to ay spoderik yuꞌun ya stsꞌus te chꞌulchane yuꞌun makꞌ yakꞌix jaꞌal a te jayeb kꞌaal te ya yalbeyik skꞌoplal te Diose. Y sok ay spoderik yuꞌun ya skꞌajtatesik ta chꞌichꞌ te jaꞌe, y yuꞌun ya yaꞌbe kꞌaxuk swokol ta balmilal ta spisil ta jkaj wokoletik, chikan jayebuk buelta ya skꞌan ya yakꞌike.

Bible in Tzeltal Bachajón

⁶ Te cheb testigohetic ini ay yu'elic yu'un ya smaquic te ch'ulchan scuenta yu'un ma xtal ha'al te jayeb c'ahc'al yacalic ta yalel te sc'op-jalwanej; soc ay yu'elic yu'un sc'atp'unel ta ch'ich' te ha'etic, soc yu'un ya yac' spisil ta chahp jlajinwanej ta bahlumilal, ha chican jayeb buelta ya sc'anic.

Apocalipsis 11:6 Referans Kwoze

San Lucas 4:25

Melel xcalbeyex, te c'alal ay ta j'alwanej ta namey te Eliase, ay tsobol me'ba antsetic ta bay smaquen-q'uinal Israel. Te c'alal ma ba la yac' ja'al olil xchaneb ja'wil, jich tal bayal wi'nal ta spamal q'uinal.

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

1 Samuel 4:8

Puersa me ay jwocoltic ya xc'ootic. ¿Mach'a ya xju' ya scoltayotic loq'uel ta sc'ab te Dios mero bayal yu'ele? Ja' te la yac'bey castigo egipcioetic ta jochol taquin q'uinal, te jayebuc ta jchajp castigoetic la yac'bey c'otuc ta swentaique.

Apocalipsis 8:8

Te xchebal ch'ul abate la yoq'uesin te oq'uese. Chicnaj la quil te jich yilel te bit'il muc'ul wits te yac ta tilel ta c'ajq'uel. La yich' ch'ojel ochel ta bay te mare. C'atp'uj ta ch'ich' jxejt' ta yox-xejt'el te mare.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Apocalipsis 16:3

Te xchebal ch'ul abate ba smal ta mar te copa yich'oje. Te mare c'atp'uj ta ch'ich', jich bit'il xch'ich'el milbil winic yilel. Jich laj spisil te bitic cuxajtic ta bay te mare.

Apocalipsis 16:4

Te yoxebal ch'ul abate ba smal ta muc' ja'etic soc ta sloc'ja'etic te copa yich'oje. Jich c'atp'uj ta ch'ich' spisil te ja'etique.