Apocalipsis 11:5 - Bible in Tzeltal de Oxchuc y Tenejapa

⁵ Teme ay mach'atic ya sc'an ya x'uts'inotic yu'un te cheb testigoetique, ya xloc' c'ajc' ta yeic te jc'axel ya xlaj ta ora yu'un te yajcontroique. Jich yu'un puersa me ya xlaj teme ay mach'a ya sc'an ya yuts'ine.

Nuevo Testamento Tzeltal de Amatenango

⁵ Teme ay machꞌa ya skꞌan ya yixlane, ya me xlokꞌ kꞌajkꞌ ta stiꞌik te ya xchꞌik a te skontraike. Jich me ya xcham machꞌauk a te ya skꞌan ta yixlane.

Bible in Tzeltal Bachajón

⁵ Teme ay mach'a ya sc'an ya yuts'inlan, ya xloc' c'ahc' ta yehic, hich ya slajinic a te scontrahique. Hich me ya xlaj a te mach'a ya sc'an ya yuts'inlan.

Apocalipsis 11:5 Referans Kwoze

Oseas 6:5

Jich yu'un la quejch'entes c'oem ta swenta te j'alwanejetique; ta swenta te jc'ope, la jmil c'oemic a.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Jeremías 1:10

—Jo'on ya cac'bat jc'op ta awe. Yo'tic ya cac'bat awich' tulan awat'el ta bay ya xmandalaj ajwaliletic soc nacionetic, ta swenta sbulel soc swuyel coel, ta swenta sjinel soc ta slilanel, soc nix ta swenta spasel soc sts'unel —la yuton.

Salmos 18:8

Loc' tel ch'ail ta sni', soc loc' tel c'ajc' ta ye swenta lajinwanej, xbuquet nax ta loq'uel tsajal ac'al ta ye.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Ezequiel 43:3

Te bila ac'boton quil la caiy, ja' pajal soc te bila la quil te c'alal tal slajin Jerusalén te Cajwaltique. Ja' nix pajal soc te bila la quil ta ti'ja' Quebar. La jtinan jba coel c'alal ta lum.

Apocalipsis 9:17

Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.

Apocalipsis 13:13

Soc la yac' ta ilel bayal ta jchajp smuc'ul seña yu'el, la yac' ch'ayuc tel c'ajc' ta ch'ulchan ta stojolic te mach'atic nainemic ta balumilale.