Apocalipsis 11:19 - Bible in Tzeltal de Oxchuc y Tenejapa

¹⁹ Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Nuevo Testamento Tzeltal de Amatenango

¹⁹ Jich a jeꞌ te templo yuꞌun Dios te ay ta chꞌulchane, y te ba temploe chikan ta ilel te xkaxaul te trate yaloje. Y tal sansewal, xixixet, xpumumet, jun tulan jikichab, y jun tulan bat.

Bible in Tzeltal Bachajón

¹⁹ Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 11:19 Referans Kwoze

Apocalipsis 16:21

Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Apocalipsis 4:5

Ta bay te muc'ul nactijibale, loc' tel tsantsewal tey a, soc ay bila bayal yac ta bul sc'op tey a, soc ay chawuc. Soc ay juqueb c'ajq'uetic tuchajtic ta tilel ta stojol te muc'ul nactijibale, ja'ic te juqueb Espirituetic yu'un te Diose.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Números 10:33

Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 4:5

Te c'alal ya xjajch'iquix ta beel te israeletique, te Aarón soc snich'nab ya sloq'uesic te pac' ya smac ta olil te ch'ul awilal, ja' me ya smuquic bael a te scajonil trato.

Apocalipsis 16:18

Jich xlemlajan nax jajch'el tsantsewal, soc ay bila bayal yac ta bul sc'op, soc tal tulan chawuc, soc nijc' te balumilale. C'ax jich nicot te bit'il yantic nijq'uel c'axemix tel te jayeb c'aal ayiquix tel ta balumilal te ants-winiquetique.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 8:7

Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Isaías 32:19

Manchuc me ya xlaj ta bat te ja'male, soc ya xjin te lume,

Isaías 28:2

Te Cajwaltic sq'uejoj jtul winic te bayal yipe, jich me yip te bit'il ya xtal te bate, jich bit'il tulanil ic' te jinwaneje, jich bit'il stulanil yip te xchawuquil ja'ale, jich bit'il snojel ja' te ya xmal loq'uel ta sba lumq'uinal te xiweltic nax sbae. Ta sc'ab ya me xch'oj coel ta lum,

Ezequiel 13:11

Albeya yaiyic te mach'atic ya sbonic ta sac te ts'ajq'ue, te ya xjin coel ta lum. Ya me xtal tulan yic'al ja'al, ya me xch'ay coel tel bat jichuc tonetic, soc ya me xtal buen tulan ic'.

Salmos 105:32

Ma la sticun ja'al, ja' la sticun bat, soc tsantsewal te ya xlem ta banti sq'uinalic;

Salmos 18:12

Ta stojol chicnaj xojobil, jich bit'il tsantsewal; t'om loq'uel tel batetic ta tocal soc ac'aletic te tsajuben ta c'ajc'.

Josué 10:11

C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.

Ezequiel 13:13

Ja' yu'un jo'on Ajwalilon jich ya cal: Ta swenta quilimba ya cac' taluc buen tulan ic'. Ta swenta sc'ajc'al co'tan, ya cac' taluc buen tulan yic'al ja'al, soc ya xch'ay coel tel bat jichuc tonetic. Yu'un jich me ya xlaj spisil ta swenta sc'ajc'al co'tan.

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.

Apocalipsis 12:1

Soc chicnaj muc'ul seña ta yolil ch'ulchan, ja' bi jtul ants te sc'u'inej te c'aale soc stejc'abinej te ue, soc scoronainej lajchayeb ec' ta sjol.

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.