Apocalipsis 11:18 - Bible in Tzeltal de Oxchuc y Tenejapa

¹⁸ Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Nuevo Testamento Tzeltal de Amatenango

¹⁸ Te nasionetike ilinemik. Pero la staix skꞌaalel te ya awaꞌbe kastigoe, sok yorailix te ya awichꞌ jkuenta te machꞌatik chamenike. Sok ya awakꞌtalanbe smajtan te awaj-aꞌteltak: jaꞌ te jꞌalwanejetike, sok te machꞌatik ayik ta jtejklum awuꞌune, y sok te machꞌatik ya yakꞌ ta jkuenta te abiile, chikan me chꞌin ta mukꞌ. Sok ya ajim te machꞌatik ya yixlan te balmilale”, xchiik.

Bible in Tzeltal Bachajón

¹⁸ Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 11:18 Referans Kwoze

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Apocalipsis 19:5

Soc la caiy stojol te ay mach'a c'opoj tey a ta bay te muc'ul nactijibale. Jich la yal: “Ja'ex ta apisilic te muc' biq'uitex te abatex yu'un te Diose te awich'ojic ta muq'ue, albeyaic jelawen yutsil sc'oplal te Dios cu'untique”, xi'.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Salmos 103:11

Mero muc' xc'uxul yo'tan ta stojol te mach'atic ya yich'ic ta muc', jich bit'il muc' sjamalul ch'ulchan ta sba te balumilale.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Apocalipsis 14:10

ya me x'ac'bot yuch'ic te vino, ja' te yilimba Dios te xujt' ma'yuc scape, te nojel yu'un a te vasoe. Ya me x'ac'bot c'axuc bayal swocolic ta c'ajc' te yac ta tilel ta azufre ta sitic te ch'ul abatetic yu'un te Diose soc ta sit te Alalchije.

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

San Lucas 1:50

Te Diose ya me xc'uxtay ta lamalam spisil ants-winiquetic teme ya yich'ic ta muq'ue.

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Salmos 110:5

Te Cajwaltic ay ta swa'el ac'ab; te bi ora ya xc'ot te sc'ajc'al yo'tan, ya me sjin te muc' ajwaliletique;

Salmos 85:9

Ta mero melel, nopol ay te Diose, ya me scoltay te mach'atic ya x'ich'ot ta muc' yu'une; te yutsilal ya me xchicnaj xan ta jlumaltic.

Salmos 2:5

Ya me xiwtesbey yo'tanic ta yilimba; ta swenta sc'ajc'al yo'tan jich me ya yal:

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 18:6

Jich ac'a yich' ac'bel spacol te bila la yac'beyix te yantique. Ac'a stoj cheb buelta te bila spasoje. Cheb buelta ac'a esmajuc yip swocol te ya yich'e jich te bit'il la yac'bey yich' swocol te yantique.

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Daniel 7:26

Pero ya me snajc'an sbaic ta chajbanwanej te jchajbanwanejetic, jc'axel me ya xloq'uesbot yat'el, soc ya me xlajinot ta jc'axel.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Eclesiastés 8:12

Jich ya xc'ot ta swenta te mach'a yacal ta sleel smule, bayal ja'wil cuxulic ta sleel smul. (Te bi jna'oje, ja' te mach'atic ya xch'uunic te Diose, soc te ya yich'ic ta muq'ue, buen lec ya xc'otic.

Salmos 147:11

ja' ya smulan te ya x'ich'ot ta muc' yu'un te ants-winiquetique, ja' me te mach'atic smuc'ulinej yo'tanic te xc'uxul yo'tane.

Apocalipsis 19:15

Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Daniel 11:44

Pero ya me xc'ot c'op ta stojol te ya xtal ta sloq'uib c'aal soc ta norte. C'alal ya xjul ta stojol te c'ope, ya smel yo'tan yu'un, pero ya me xloc' jajch'el soc spisil slab yo'tan ta sjinel soc ta smilel tsobol ta jtul.

Apocalipsis 10:7

Melel te c'alal ya xc'ot yorail te ya xc'opoj te sjuquebal ch'ul abate, ya me xcaj yoq'uesin te oq'uese. Tey c'otix ta pasel a te bila muquen ay ta yo'tan Dios te la yalbey yaiyic te abatetic yu'une, ja' bi, ja' te j'alwanejetic yu'une”, xi' la caiy.

Apocalipsis 13:16

Soc la yal te puersa me ya x'ac'bot yich'ic marca ta swa'el sc'abic o teme ta stibaic spisil ants-winiquetic manchuc teme muc' biq'uite, teme jc'uleje o teme ma'yuc bi ay yu'unique, teme ayic ta libre o teme ayic ta mosoile.

Apocalipsis 19:18

Ya me ati'beyic sbaq'uetal te muc' ajwaliletique, soc sbaq'uetal te capitán-soldadoetique, soc sbaq'uetal te tulan winiquetique, soc sbaq'uetal te caballoetique, soc sbaq'uetal te mach'atic cajajtic tey a, soc sbaq'uetal spisil ta jchajp ants-winiquetic chican teme libre ayique o teme ayic ta mosoile, teme muc' biq'uite”, xi' ta aw.