Apocalipsis 11:16 - Bible in Tzeltal de Oxchuc y Tenejapa

¹⁶ Jich te chaneb xcha'winic (24) ta jtul mamaletic te nacalic ta smuc'ul nactijibic ta stojol te Diose, la spajc'an sbaic ta lum ta yich'el ta muc' te Diose.

Nuevo Testamento Tzeltal de Amatenango

¹⁶ Te beintikuatro ta jtul te machꞌatik lom mamalikixe te nakꞌajtik te ba ay snaktajibik ta stojol te Diose, la skejan sbaik kꞌalal ta lum y la yichꞌik ta mukꞌ te Diose.

Bible in Tzeltal Bachajón

¹⁶ Hich te chaneb scha'winic (24) ta tuhl mamaletic huhcajtic ta shuctajibic ta stojol te Dios la spahcan sbahic soc la sch'uhuntayic te Diose,

Apocalipsis 11:16 Referans Kwoze

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 7:11

Spisil te ch'ul abatetique, tec'ajtic ta bay sjoylejal te muc'ul nactijibale soc te chaneb xcha'winic (24) ta jtul mamaletique soc te chancojt' te bitic cuxajtique, la spajc'an sbaic ta lum ta stojol te muc'ul nactijibale. Jich la yich'ic ta muc' te Diose.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 5:14

Te chancojt' bitic cuxajtique jich la yalic uuc: “Jichuc”, xiic. Te chaneb xcha'winic (24) mamaletique la squejan sbaic ta stojol te mach'a stalel cuxul sbajt'el q'uinale.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.