Apocalipsis 11:15 - Bible in Tzeltal de Oxchuc y Tenejapa

¹⁵ Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Nuevo Testamento Tzeltal de Amatenango

¹⁵ Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Bible in Tzeltal Bachajón

¹⁵ Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 11:15 Referans Kwoze

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Apocalipsis 10:7

Melel te c'alal ya xc'ot yorail te ya xc'opoj te sjuquebal ch'ul abate, ya me xcaj yoq'uesin te oq'uese. Tey c'otix ta pasel a te bila muquen ay ta yo'tan Dios te la yalbey yaiyic te abatetic yu'une, ja' bi, ja' te j'alwanejetic yu'une”, xi' la caiy.

Zacarías 14:9

Te c'alal ya sta sc'aalelal ja' me ya x'ochix ta muc' ajwalil a te Cajwaltic ta spamal balumilal. Te Cajwaltic ja' xanix ajwalil stuquel, soc ja' xanix ya yich' alel sbiil stuquel.

Apocalipsis 19:1

Patil la caiy stojol te ay tsobol ants-winiquetic te tulan yacalic ta c'op ta bay te ch'ulchane, te jich la yalique: “¡Ay yutsilal! Stuquel nax ay colel ta swenta te Dios cu'untique. Ay bayal yu'el soc jelawen yutsilal.

San Lucas 1:33

Sbajt'el me q'uinal ay ta ajwalinel yu'un te lum Israele. Ma'yuc bi ora ya xlaj yat'el ta muc' ajwalil —xi' te ch'ul abate.

Éxodo 15:18

Te Cajwal sbajt'el q'uinal muc' ajwalil stuquel”, xiic ta c'ayoj.

Daniel 7:18

Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Apocalipsis 16:17

Te sjuquebal ch'ul abate ba smal ta ic' ta bay sjamalul q'uinal te copa yich'oje. Ta bay templo ta ch'ulchan chicnaj tulan c'op te tey loc' tel a ta bay te muc'ul nactijibale, te jich la yale: “Ju'ix”, xi' la caiy.

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Apocalipsis 19:6

Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Ezequiel 37:25

Ya me xnainic tey ta lumq'uinal te la cac'bey te cabat Jacob, tey ta banti nainic uuc te antiguo sts'umbalique. Jc'axel me tey ya xnainiquix soc yal-snich'anic a, soc ta spisil te patil alnich'anetic yu'unique. Ja' me ajwalil yu'unic sbajt'el q'uinal te cabat David.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Salmos 146:10

Ja'at lum Sión, te Cajwaltic ja' me muc' ajwalil sbajt'el q'uinal; te Dios awu'un ya me xmandalaj ta stojol cajalcaj bael te alnich'anetic awu'une. ¡Bin nax yutsil te Cajwaltique!

Salmos 110:4

Te Cajwaltic ay bila yaloj ta jamal, ma xju' ya xcha'sujt'es xan te sc'ope: “Ja'at sacerdoteat swenta sbajt'el q'uinal, te ja' nix pajal sacerdote ayat soc te Melquisedec”, xi'.

Salmos 72:11

Ac'a tal squejan sbaic ta stojol spisil te muc' ajwaliletic. Ac'a yac' sbaic ta abatinel yu'un spisil te nacionetic.

Salmos 2:2

Te muc' ajwaliletic soc te yantic ajwaliletic ta balumilal ya stoy sbaic, jun nax ya yac' sbaic ta xchajbanel sc'oplal te Cajwaltic soc te muc' ajwalil te tsabilix yu'une.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Apocalipsis 9:13

Te swaquebal ch'ul abate la yoq'uesin te oq'uese. La caiy stojol te ay mach'a c'opoj ta yolilal te chanch'ix xulubil te ay ta scajtijib majt'anil te pasbil ta oro te ay ta stojol te Diose.

Apocalipsis 9:1

Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Oseas 2:23

Jich me ya jts'un ta q'uinal c'oem te lum cu'un, te ja' nax mero cu'un jtuquele; ya me jna'bey yo'bolil sba te Lo-ruhama, te Lo-ami ya calbey: “Ja'at lumat cu'un”, ya cut, soc jich me ya yalbon: “Ja'at Diosat cu'un”, xi' me —xi' te Cajwaltique.

Daniel 7:22

ja' to te c'ot te Mamale te la xchajban ta stojil te lum yu'un te Dios mero toyole. Melel c'otix yorail sc'aalelal te ya yu'uninix spasel ta mandal te lum yu'un te Diose.

Isaías 55:5

Te ja'ate ya me awic' tel te lumetic te ma na'biluc sbaique; te lumetic te ma sna'bat aba, animal nax ya xbajt'ic ta atojol. Melel ya me cac'at ta ich'el ta muc', jo'on Awajwalon, te Ch'ul Dioson yu'un Israel —xi'.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

San Lucas 15:6

C'alal ya xc'ot ta snae, ya stsob tel te sjo'taque soc te spat-xujq'ue, jich ya yalbey yaiyic: “Binuc nax me co'tantic ta jpisiltic yu'un, melel la jtaix te jcojt' jchij te ch'ayeme”, xi' ta yalel.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Salmos 82:8

Dios cu'un, chajbana aba ta xchajbanel te mach'atic ayic ta q'uinale, melel ja'at yajwalat ta spisil te nacionetique.

Abdías 1:21

Yaiyojiquix tsalaw a ya me xmoic bael ta wits Sión, swenta yu'un ya yac'bey castigo te mach'atic ayic ta witstiquil yu'un Esaú. Te Cajwaltic ja' me ya xmandalaj stuquel.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

Hechos 4:26

La stsob sbaic te muc' ajwaliletic ta balumilale, soc la stsob sbaic uuc te jwolwanejetique, yu'un ya scontroinic te Cajwaltic Dios soc te Cristo yu'une”, te xie.

Ezequiel 47:5

La xcha'p'is xan jo'winic xcha'bajc' (500) metro, te yocja' c'atp'ujix ta jun muc'ja'. Jich ma ba ju'ix c'axel, melel mero c'ubulix, ja' xanix ya xju' c'axel ta nuxel.