Apocalipsis 11:13 - Bible in Tzeltal de Oxchuc y Tenejapa

¹³ Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Nuevo Testamento Tzeltal de Amatenango

¹³ Y mismo tiempo ya xtal tulan jikichab, y ta skaj te jikichabe ya xjem koel xejtꞌ ta slajunxejtꞌel te mukꞌul jtejklume, y siete mil ta jtul gente ya xcham. Te machꞌatik kuxajtik to jilele, ben xlaj xiꞌik sok ya la yalbeyik slekilal te Dios te ay ta chꞌulchane.

Bible in Tzeltal Bachajón

¹³ Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Apocalipsis 11:13 Referans Kwoze

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Apocalipsis 6:12

La quil c'alal la sjam te swaquebal sello te Alalchije, tal tulan nijq'uel ta balumilal. Te c'aale ijc'ub. Jich c'ot ta ilel te bit'il ijc'al ch'ixal pac' swenta mel-o'tan. Te ue tsajub jich bit'il stsajal te ch'ich'e.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Apocalipsis 11:11

Ja'uc me to, te c'alal c'axix a te olil xchaneb c'aale, te Diose la xcha'cuxes te testigoetique. Jich tejc'aj jajch'el. Spisil te mach'atic la yilique, och bayal xiwel ta yo'tanic yu'un.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Apocalipsis 19:7

Ac'a me bujts'najuc co'tantic yu'un soc yacuc me ta tse'ej te co'tantique, soc ac'a calbeytic yutsilal te Diose, melel c'otix yorail te nujbinel yu'un te Alalchije. Xchajbanejix sba te yiname.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.

Génesis 6:4

Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.