Apocalipsis 11:12 - Bible in Tzeltal de Oxchuc y Tenejapa

¹² Te cheb testigoetique la yaiyic stojol te ay mach'a tulan c'opoj tel ta ch'ulchan te jich albotic yu'une: “Moanic tel li'to”, xi' sc'oplalic. Jich potsolic moel ta tocal c'alal ta ch'ulchan ta sit te yajcontroique.

Nuevo Testamento Tzeltal de Amatenango

¹² Jich te cheb testigoetike ya me yaꞌiyik jun tulan kꞌop ta chꞌulchan te jicha altalanbot yuꞌune: “¡Moanik tal liye!” xchi. Jich ya xmoik bael ta chꞌulchan sok tokal y te skontraike ya me yilik.

Bible in Tzeltal Bachajón

¹² Patil la ya'iyic ay mach'a tulan c'opoj ta ch'ulchan: La', mohanic tal li'i, xchi sc'oblalic. Hich q'uelel sit spisilic a te scontrahic, mohic bahel ta ch'ulchan ta tocal.

Apocalipsis 11:12 Referans Kwoze

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.

Hechos 1:9

Te c'alal laj yo'tan ta yalel in to, la yilic ic'ot moel ta ch'ulchan. Potsol bael ta tocal, tup' bael ta sitic.

2 Reyes 2:11

Te c'alal yacalic ta beel bael a, soc te yacalic ta c'op a, ora nax chicnaj c'ajc' pajal yilel soc carreta, soc c'ajc' te pajal yilel soc caballoetique, jich ac'bot yijq'uitay sbaic. Jich mo bael ta ch'ulchan te Elías, potsot bael ta sutu-ic'.

1 Tesalonicenses 4:17

Ta patil te jo'otic te cuxulotic to jilele, maj nax ya x'ic'ototic moel soc ta tocal. Jich ya xc'o jta jbatic soc ta sjamalul ch'ulchan te Cajwaltique. Jich ya xc'o join jbatic soc sbajt'el q'uinal te Cajwaltique.

Apocalipsis 12:5

Ayin squerem-al te antse, te ja' tulan ya xmandalaj soc sbastón-taq'uin ta stojol spisil ta jchajp te nacionetique. Ic'ot moel yu'un Dios ta ch'ulchan ta ora nax te yale, ta bay te smuc'ul nactijib te Diose.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

San Lucas 16:23

Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

Isaías 60:8

¿Mach'atic a te ya xwilic bael jichuc tocale, te ya xbajt'ic jichuc stsumutetic ta snaique?

Isaías 40:31

Yan te mach'atic ya smuc'ulin yo'tanic te Cajwaltique, spisil me ora ya x'ach'ub yipic stuquelic. Jich me ya xju' xwilic c'oem te bit'il águila; ya xju' x'animajic, mero ma xlubic, soc ma xcom yo'tanic te ya xbeenique.

2 Reyes 2:5

Pero te j'alwanejetic yu'un Dios nainemic ta Jericó, loq'uic ta stael te Eliseo, jich la yalbeyic: —¿Ana'oj bal te yo'tic ya yic'batix Cajwaltic te maestro awu'une? —xiic. La sjac' te Eliseo: —Jich, jna'ojix, pero ma me ayuc bi xawalic te ja'exe —xi'.

2 Reyes 2:1

C'alal c'ot yorail yu'un Cajwaltic te la yic' bael ta ch'ulchan ta sutu-ic' te Elías, te Elías soc Eliseo loq'uic bael ta Gilgal.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Isaías 14:13

Ja'at la awal ta awo'tan: “Ya xmoon bael c'alal ta ch'ulchan, ya xba cac' muc'ul nactijib tey a ta sjelawel te eq'uetic yu'un Dios. Ta toyol ya xc'o najc'an jba ta stojol norte, ja' te bay wits te banti ya stsob sbaic te mach'atic ay yu'ele.

Salmos 112:10

Te mach'a amen yo'tan ya xc'ajc'ub yo'tan ta yilel; ya xc'ux ye, yu'un ma'yuc bi ya xju' yu'un. Te mach'atic amen yo'tanic ya xch'ayic soc te sbic'tal yo'tanique.

Salmos 86:17

Ac'bon quil prueba te yutsil awo'tan ta jtojole, swenta yu'un ya me xq'uexawic te c'alal ya yilic te mach'atic xut'et slab yo'tanic cu'une. Ja'at Cajwal, ya awac'bon jcoltayel, soc ya awac'bon smuc'ul co'tan.

Salmos 24:3

¿Mach'a ya xju' xmo bael ta wits yu'un te Cajwaltique? ¿Mach'a ya xju' ya x'och ta ch'ul templo yu'un?

Salmos 15:1

Cajwal, ¿mach'a ya xju' ya x'ain ta ch'ul templo awu'un? ¿Mach'a ya xju' xnain ta ch'ul wits awu'un?

2 Reyes 2:7

Pero lajuneb yoxwinic (50) j'alwanejetic yu'un Dios c'otic tey a, la slaman sbaic ta nopol nax. Yan te Elías soc te Eliseo la scom sbaic ta beel, la stejc'an sbaic ta sti'il muc'ja' Jordán.

Éxodo 14:25

Jajch' ta bolobel yacan te scarretaic, wocoltic xanix a ju' ochel bael yu'unic a. Te egipcioetic la yalbey sbaic: —Anucotic sujt'el ta stojol te israeletique, melel te Yajwalique ja' ya yac'botic guerra ta swentaic —xiic.