Apocalipsis 11:11 - Bible in Tzeltal de Oxchuc y Tenejapa

¹¹ Ja'uc me to, te c'alal c'axix a te olil xchaneb c'aale, te Diose la xcha'cuxes te testigoetique. Jich tejc'aj jajch'el. Spisil te mach'atic la yilique, och bayal xiwel ta yo'tanic yu'un.

Nuevo Testamento Tzeltal de Amatenango

¹¹ Pero ta yoxebal kꞌaal sok olil Dios ya xchaꞌkuses, y ya xtejkꞌaj xan jajchel. Spisilik te machꞌatik ya yilike bayal ya xꞌoch xiꞌel ta yoꞌtanik.

Bible in Tzeltal Bachajón

¹¹ Pero ta ohlil schanebal c'ahc'al slajelic a, a'bot xan yich'ic ic' scuenta cuxlejal te talem ta stojol Dios, hich la stehc'an hahchel sbahic, soc tojic xiwel yu'un te mach'atic la yilique.

Apocalipsis 11:11 Referans Kwoze

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Apocalipsis 11:9

Te lumetic te yanyantic sts'umbalique soc te yanyantic sc'opique soc te yanyantic nacionetique, olil xchaneb c'aal ya me yilbeyic sbaq'uetalic te tixilic ta comonsitil. Ma xyac'beyic te ya yich' muquel te sbaq'uetalique.

Hechos 5:5

Te c'alal la yaiy stojol in to te Ananiase, laj ta ora, jawts'uj bael. Spisil te mach'atic la yaiybeyic stojol sc'oplale, bayal xiwic yu'un.

Hechos 5:11

Bayal xiw yo'tanic yu'un spisil te jch'uunjeletique soc spisil yantic te la yaiyic stojol te bila c'ot ta pasele.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.