Apocalipsis 10:5 - Bible in Tzeltal de Oxchuc y Tenejapa

⁵ Te ch'ul abat te teq'uel la quil ta mar soc ta lum q'uinale, la stoy moel swa'el sc'ab ta ch'ulchan.

Nuevo Testamento Tzeltal de Amatenango

⁵ Jich te ángel te la kil te tekꞌel ta sba te mare y sok ta lume, la stoy moel ta chꞌulchan te sbatsꞌil kꞌabe.

Bible in Tzeltal Bachajón

⁵ Te ch'ul a'bat te la jquil te jun yoc stec'oj mar soc jun yoc stec'oj q'uinal la stoy mohel sc'ab ta ch'ulchan,

Apocalipsis 10:5 Referans Kwoze

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Deuteronomio 32:40

Ya jtoy moel jc'ab ta ch'ulchan, jc'axel ya cal: Jtalel ayon sbajt'el q'uinal.

Apocalipsis 16:17

Te sjuquebal ch'ul abate ba smal ta ic' ta bay sjamalul q'uinal te copa yich'oje. Ta bay templo ta ch'ulchan chicnaj tulan c'op te tey loc' tel a ta bay te muc'ul nactijibale, te jich la yale: “Ju'ix”, xi' la caiy.

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Apocalipsis 10:2

Sjamoj ta sc'ab ch'in balbil jun te slechoje. Jich la stec' ta swa'el yacan te mare soc la stec' ta xq'uexen yacan te lum q'uinale.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Apocalipsis 4:9

Te bitic cuxajtique, spisil ora ya yalbeyic yutsilal, ya yich'ic ta muc', soc ya yalbeyic wocol te mach'a nacal ta muc'ul nactijibale, ja' te mach'a stalel cuxul sbajt'el q'uinale.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Hebreos 6:13

Melel te Dios te c'alal la yalbey te Abraham te ay bila ya yac'beye, ja' nix la yal ta jamal stuquel. Melel ma'yuc yan te mach'a cajal ay yu'une.

Romanos 1:20

Te c'alal la xchicnantes te balumilale, ja' ay ta na'el a te bit'il ay te Diose, manchuc teme ma chicanuc ta ilele. Ja' bi, ja' te bit'il sbajt'el q'uinal ay yu'ele soc te bit'il stalel Dios stuquele. Jich ma'yuc bila ya xju' ya smac sbaic ta c'op a.

Hechos 17:23

Melel te c'alal c'axon tel ta yilel te ch'uunjibaletic awu'unique, la jta jun scajtijib majt'anil te banti jich ts'ibubile: “Ja' yu'un te Dios te ma na'biluc sbae”, te xi' te ts'ibubile. Jich yu'un te Dios te awich'ojic ta muc' te ma x'ana'beyic sbae, ja'ix te mach'a ya calbeyex sc'oplale.

Ezequiel 20:5

Albeya: “Jich ya yal te Cajwaltique: ‘Te c'alal la jtsa Israel, ay bila jc'axel la cal ta jamal ta stojol patil alnich'anetic yu'un, soc la cac' jba ta na'el ta swenta cat'el ta stojolic ta Egipto. Jc'axel la cal ta jamal ta stojolic: “Jo'on Ajwalilon, Dioson awu'unic”, xoon.

Salmos 146:5

Bin nax me yutsil te mach'a ya yich' coltayel yu'un te Dios yu'un Jacob, ja' te ay ta yo'tan smaliyel te Cajwaltic te Dios yu'une.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Ezequiel 47:14

Jo'on la calbey ta jamal te antiguo ats'umbalic te ya cac'bey te lumq'uinale. Pucbeya abaic ta pajal, ya me awu'uninic.

Ezequiel 36:7

Jo'on Ajwalilon te jich ya cal ta jamal, te lumetic apat-axujq'uic, ya me xpotsotic ta q'uexlal.

Ezequiel 20:42

‘Te c'alal ya caq'uex ochel ta sq'uinal Israel, ta lumq'uinal te jc'axel la calbey te antiguo ame'-atatic te ya cac'beye, jich me ya ana'ic te jo'on Ajwalilone.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Ezequiel 20:23

Ta jochol taquin q'uinal jc'axel la calbey te ya jpuc bael ta yantic nacionetic ta balumilal,

Ezequiel 20:15

‘Ja' nix jich tey ta jochol taquin q'uinal, jc'axel la calbeyix te ma ba ya cac' ochel tey ta lumq'uinal la cac'beye, ja' te ma'yuc yan q'uinal te pajal st'ujbilal soque, te banti ya x'oquin leche soc chab c'oeme.