Apocalipsis 10:11 - Bible in Tzeltal de Oxchuc y Tenejapa

¹¹ Jich la yalbon xan: —Puersa me ya awaiy xan j'alwanej yan buelta te bit'il ay sc'oplal yu'un Dios bayal ta pam lumetic soc bayal ta jchajp nacionetic, te yanyantic sc'opique soc te yanyantic muc' ajwaliletic yu'unique —la yuton.

Nuevo Testamento Tzeltal de Amatenango

¹¹ Jich a yalbikon: —Puersa ya xba awal xan te tut ya yal Dios te tutꞌil ay skꞌoplal te bayal jtejklumetike, nasionetik, te skajalskaj xkꞌopoje, sok reyetik —xyuton.

Bible in Tzeltal Bachajón

¹¹ Hich la yalbon: Ya sc'an te yac awal xan te sc'op-jalwanej ta stojol bayel pueblohetic, nacionetic, c'opiletic, soc muc'ul ajwaliletic, xchi jc'oblal.

Apocalipsis 10:11 Referans Kwoze

Ezequiel 37:4

Ja' yu'un te Cajwaltic jich la yalbon: —C'opona ta jwenta jo'on te baquetic in to. Jich xawalbey: “Taquin baquetic, aiybeya awaiyic sc'op Cajwaltic in to.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 14:6

Soc la quil yan ch'ul abat yac ta wilel ta sjamalul te ch'ulchane, yich'oj te lec yach'il c'op swenta scolelic te mach'atic ainemic ta balumilal te ya yalbey yaiyique. Ja' spisil ta jchajp te nacionetic te yanyantic sts'umbalique soc te yanyantic sc'opique soc te yanyan lum ayique.

Apocalipsis 11:9

Te lumetic te yanyantic sts'umbalique soc te yanyantic sc'opique soc te yanyantic nacionetique, olil xchaneb c'aal ya me yilbeyic sbaq'uetalic te tixilic ta comonsitil. Ma xyac'beyic te ya yich' muquel te sbaq'uetalique.

Ezequiel 37:9

Te Cajwaltic jich la yalbon xan: —C'opona ta jwenta jo'on te ic' ya yac' cuxlejale, jich xawalbey: “Jich ya yal te Cajwaltique: ‘Ic' te ya awac' cuxlejale, la' ta xchanxujc'ul q'uinal, la', ac'beya xcuxlejal te mach'atic lajemique’, xi' me”, uta me —xi' te Cajwaltique.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Apocalipsis 10:10

Jich la jtsac te ch'in jun te ay ta sc'ab te ch'ul abate soc la jbic' coel. Te quee chi' la yaiy jich bit'il xchi'il te chabe. Yan te c'alal lajix ta biq'uel cu'un ae, ch'aub ta jch'ujt' la caiy.

Apocalipsis 11:1

Soc ac'boton ta jc'ab ch'ix jalal swenta sp'isjibal soc jich alboton: —Jajch'an, p'isa te templo yu'un te Diose soc te scajtijib majt'anile, soc ajtaya te jayeb ta jtul te mach'atic ya slajin sbaic tey a.

Apocalipsis 17:10

soc ja' seña xan te juctul muc' ajwaliletique. Ay jo'tul te muc' ajwaliletic te lajix sc'oplalique. Te jtule ay yat'el ta ora to. Te yane ma to xchicnaj tel, ja'uc me to, teme chicnaje, ma xjalaj bayal c'aal.

Apocalipsis 17:12

“Te lajunch'ix xulub te la awile ja' seña lajuntul muc' ajwaliletic te ma to ayuc yat'elique. Ja'uc me to, ya me yich' yat'elic ta muc' ajwalil junuc ora soc te muc'ul chambalam te xi'bantic sbae.

Jeremías 25:13

Ya cac' c'otuc ta stojol te Babilonia te bila albil sc'oplal soc te ts'ibubil li' ta libro to, spisil te bila yaloj te Jeremías ta jwenta ta scontroinel spisil te nacionetique.