Apocalipsis 1:17 - Bible in Tzeltal de Oxchuc y Tenejapa

¹⁷ Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Nuevo Testamento Tzeltal de Amatenango

¹⁷ Te kꞌalal la kile, tꞌuxajon koel ta yok, jachik a kꞌoon te tutꞌil machꞌa chamenixe. Pero jaꞌ la yakꞌ tal sbatsꞌil kꞌab ta jtojol, sok la yalbon: —Ma me xiꞌan. Joꞌon ayon ta slijkibal y sok ta slajibal.

Bible in Tzeltal Bachajón

¹⁷ Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Apocalipsis 1:17 Referans Kwoze

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Apocalipsis 22:13

Jo'on Alfaon, jo'on Omegaon. Ayon ta xjajch'ibal, ayon ta slajibal. Ayon ta neelal soc ta slajibal”, xi' te Jesuse.

Isaías 41:4

¿Mach'a la spas? ¿Mach'a a ta xjajch'ibal to tel te xmelmon la yac' c'otuc ta pasel spisil ta sba te balumilale? Jo'on te Ajwalilon, te jtuquel Dioson, te ayon ta sbabial soc ta slajibal.

Isaías 48:12

“Aiybon awaiy stojol, ja'at Israel te lumat yu'un Jacob, te ja'at la quic'ate. Jo'on nax jtuquel te jip jtul Diosone, jtalel ayon ta sbabial soc ta slajibal.

Apocalipsis 2:8

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Esmirna: Te mach'a ay ta xjajch'ibale soc te ay ta slajibale, te laje soc te cha'cux tele:

Ezequiel 1:28

pajal soc arco iris te ya xchicnaj ta yolil tocaletic te c'alal ay ja'ale. Jich jul ta jtojol te xojobil te yutsilal te Cajwaltique. Te c'alal la quile, la jtinan jba coel c'alal ta lum.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Daniel 10:15

Te c'alal yac ta yalel a, te jo'one la cac' coel jsit ta lum, ni jp'aluc c'op loc' ta que.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

San Mateo 28:4

Te c'alal la yilic te soldadoetique, nijq'uic yu'un te xiwele, jich c'otic te bit'il animaetique.

Daniel 10:12

Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.

Éxodo 20:20

Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

San Juan 21:20

Te Pedro la sujt'es sba yil, ts'acal bael ta spat te jnopojel te bayal c'ux sba ta yo'tan soc te Jesuse, soc ja' nix te mach'a slac'oj sba ta we'el soc a te la sjojc'obey: “Cajwal, mach'a a te ya yac'at ta c'abale”, te xie.

San Juan 13:23

Ay jtul jnopojel yu'un te Jesús te bayal c'ux sba ta yo'tan soque, te slac'oj sba ta we'el soque.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

San Mateo 14:27

Te Jesús la sc'opon ta ora: —Ac'a stulanil awo'tanic. Jo'on me. Ma me xiwex —xi'.

San Mateo 28:5

Te ch'ul abate la yalbey te antsetique: —Ma me xiwex. Ya jna' te ja' ya aleic te Jesús te la yich' milel ta cruz.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Salmos 139:5

Ayat ta jsit soc ayat ta jpat, ta bayuc ajoytayejon; ma wocoluc ya atsacon ta ac'ab.

Lamentaciones 3:57

Te bi c'aalil ya quic'ate, ya xtalat ta jtojol, soc ya awalbon: “Ma xiwat”, xaat me.