Apocalipsis 1:16 - Bible in Tzeltal de Oxchuc y Tenejapa

¹⁶ Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Nuevo Testamento Tzeltal de Amatenango

¹⁶ Te ba sbatsꞌil kꞌabe yichꞌoj jukeb ekꞌetik, y te ba stiꞌe ya xlokꞌ tal jun puñal te chaꞌmejchꞌ yee. Te yelawe jachik tutꞌil kꞌajkꞌal te kꞌalal ya xtil sok te ya yichꞌ spuersae.

Bible in Tzeltal Bachajón

¹⁶ Ay huqueb eq'uetic ta swa'el-c'ab, soc ay espada te scha'bunjehchel ay ye te yac ta loq'uel ta ye, soc te sit yelaw xlipet sts'anabul hich te bin ut'il sts'anabul te c'ahc'ale.

Apocalipsis 1:16 Referans Kwoze

Hebreos 4:12

Melel cuxul te sc'op Diose, soc bayal yip ya x'at'ej. C'ax jich ya xlajinwan a te bit'il puñal te cha'jejch' ay yee. Najt' ya x'och c'alal ta banti ay te co'tantique soc te jch'uleltique, tey to c'alal a ta banti ay te xchinamil jbaqueltique. Ya xchicnantes ta jamal spisil te bila jnopoj ta co'tantique soc te bila baem co'tantic ta sna'el juju-jtule.

Apocalipsis 2:16

Jich yu'un sujt'esa me awo'tan. Yan teme ma xasujt'es awo'tane, ya me xtalon ta atojol ta ora nax. Ya me jcontroin soc te puñal te ya xloc' ta quee.

Apocalipsis 19:15

Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Apocalipsis 2:12

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Pérgamo: Te mach'a yich'oj puñal te xcha'jejch' ay yee, jich la yal:

Efesios 6:17

Ich'aic me te smajq'uil ajolique, ja' te acolelique. Soc ich'aic me te spuñal te Ch'ul Espiritue, ja' te Sc'op Diose.

Isaías 49:2

Te que, jich la sc'atp'un te bit'il puñal te juxbile, la snac'on ta yaxinal te sc'abe; jich la sc'atp'unon te bit'il sjayal sni' yat'ejibal t'im, tey la sq'uejon ta yawil te scuchoj ta spate.

Apocalipsis 19:21

Te yantique lajic ta milel spisilic yu'un spuñal te yac ta loq'uel ta ye te mach'a cajal ta caballoe. Te mutetique, spisilic noj xch'ujt'ic yu'un sti'el sbaq'uetalic te mach'atic lajemique.

San Mateo 17:2

C'atp'uj ta sitic tey a te Jesuse. Te sit yelawe xlemet nax jich bit'il te c'aale, soc buen sac c'ot te sc'u'-spaq'ue.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Hechos 26:13

Ja'uc me to, muc' ajwalil Agripa, olilix c'aal a te yacon ta beel ta be, lem tel ta ch'ulchan xojobal q'uinal te c'ax jich yip te bit'il yip xojobil te c'aale. Xojobaj nax q'uinal c'ot ta sjoylejal te banti ayon soc te mach'atic sjoinejon ta beele.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Apocalipsis 12:1

Soc chicnaj muc'ul seña ta yolil ch'ulchan, ja' bi jtul ants te sc'u'inej te c'aale soc stejc'abinej te ue, soc scoronainej lajchayeb ec' ta sjol.

Apocalipsis 10:1

Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

Daniel 12:3

Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

Job 38:7

te c'alal yacalic ta comon c'ayoj a te eq'uetic ta sacubel q'uinale, te c'alal bin nax yo'tanic a te abatetic cu'un ta ch'ulchane?

Daniel 8:10

Mero bayal muc'ub, c'ot c'alal ta banti ay eq'uetic ta ch'ulchane. Ay la scojt'es tel te eq'uetique, la spech' ta teq'uel,

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

Salmos 45:3

Chuca ta ach'ujt' te apuñale, ja'at te ma xiwate; ay axojobil soc ayat ta ich'el ta muc'.

Cantares 6:10

¿Mach'a a te ya xchicnaj ta ilel te ja' pajal soc te c'aal ya xchicnaj ta jujun sabe? Buen t'ujbil jichuc u, bayal xojobil jichuc c'aal, ya stsalawan jichuc jchajp soldadoetic te ayic ta marcha.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Jueces 3:16

Te Aod la spas bael spuñal, cha'jejch la yac'bey ye, ay oliluc metro te snajt'ile. La xchuc bael ta xch'ujt' ta yutil snajt'il c'u' ta swa'el.