Apocalipsis 1:13 - Bible in Tzeltal de Oxchuc y Tenejapa

¹³ Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

Nuevo Testamento Tzeltal de Amatenango

¹³ Y te ba yolil te jukchꞌix yawil kꞌajkꞌe la kil ay Machꞌa teꞌey a te pajal sok te Nichꞌanile. Palal sok jun skꞌuꞌ-spakꞌ te kꞌoem kꞌalal ta yoke y sok jun xchꞌujkil xchꞌujt pasbil ta oro kꞌoem kꞌalal ta stiꞌ yoꞌtan.

Bible in Tzeltal Bachajón

¹³ soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.

Apocalipsis 1:13 Referans Kwoze

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Daniel 10:16

Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Apocalipsis 15:6

Tey loq'uic tel ta templo te juctul ch'ul abatetic te yich'ojic te juqueb castigoetique. Slapojic lino-pac' te xujt' ma ba ts'ilajem te xlemet nax ta ilele. Te xchujq'uil ch'ujt'ique pasbilic ta oro soc chucul c'alal ta yo'tanic.

Apocalipsis 14:14

Ay yan la quil: Ja' te saquil tocale, soc ay mach'a nacal ta sba te ja' pajal soc te Nich'anile. Ay scorona ta sjol te pasbil ta oro, soc ay ta sc'ab te os te ay yee.

Levítico 8:7

Patil te Aarón la yac'bey slap te najt'il c'u'ile, la yac'bey xchujq'uil xch'ujt' soc la yac'bey slap te xchebal snajt'il c'u'e; ta sba la yac'bey te efod, soc ja' nix la xchucbey ta lec a te xchujq'uil efod.

Daniel 7:9

“Tey yacon ta yilel a, la quil chicnaj muc'ul nactijibaletic, ay jtul Mamal yilel najc'aj tey a. Te sc'u' mero sac jichuc toib; te stsotsil sjol pajal soc buen saquil stsotsil chij te buen saque. Te smuc'ul nactijib soc te ruedaetic yu'une, puro c'ajc' yilel,

Isaías 11:5

Spisil ora sc'u'inej te bila stojil soc te smelelile.

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

Éxodo 39:5

Te xchujq'uil xch'ujt' ya smey bael ta chuquel a te efod, jich nix la yich' jalel soc ta oro soc stsotsil chij te bonbil ta morada, púrpura soc tsaj, soc ta ts'otbil lino, jich bit'il la yal mandal Cajwaltic ta stojol Moisés.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal: