Apocalipsis 1:11 - Bible in Tzeltal de Oxchuc y Tenejapa

¹¹ Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Nuevo Testamento Tzeltal de Amatenango

¹¹ te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Bible in Tzeltal Bachajón

¹¹ te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Apocalipsis 1:11 Referans Kwoze

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Habacuc 2:2

Te Cajwaltic la sujt'esbon te jc'ope: —Ts'ibuya ta lejch'el ladrillo te bila ya cac'bat awile, swenta yu'un ya me xju' ya yich' ilel ta ora nax.

Jeremías 30:2

—Te Ajwalilon te Dioson yu'un Israel ya calbat: Ts'ibuya ta jun libro spisil te bila calojbate.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.

Apocalipsis 2:18

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Tiatira: Te Snich'an Diose, te jich yac ta tilel sit te bit'il yat c'ajq'ue soc te xlememet nax yacan jich te bit'il xlememet nax te bronce, jich la yal:

Apocalipsis 2:12

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Pérgamo: Te mach'a yich'oj puñal te xcha'jejch' ay yee, jich la yal:

Apocalipsis 2:8

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Esmirna: Te mach'a ay ta xjajch'ibale soc te ay ta slajibale, te laje soc te cha'cux tele:

Efesios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Ya jpatbeyex awo'tanic ja'ex te ch'ul lumex yu'un Dios soc te jun awo'tanic ta swenta Cristo Jesús te ayex ta lum Efeso.

Isaías 30:8

La' me yo'tic, ts'ibuya ta jpejch' ch'ujte', soc ac'a ta jun, ac'a ainuc tey a ta swenta sna'jibal bael, yu'un ya me yac' ta na'el sbajt'el q'uinal.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.

Apocalipsis 14:13

Soc la caiy stojol te ay mach'a c'opoj tel ta ch'ulchane. Jich la yalbon: —Ts'ibuya ta jun in to: “Bin nax me yutsilic ta ora to soc ta sbajt'el q'uinal te animaetic te xch'uunejic Cajwaltic te lajique”, xi' me —la yuton. La yal te Espiritue: —Melel nix a. Ya me yich'ic lewa yu'un te yat'elique, soc ya me sjoinic tey a te yat'elique —xi'.

Apocalipsis 10:4

Te c'alal laj yo'tanic ta c'op te juqueb chawuque, c'an jts'ibuy te bila la yalique. Ja'uc me to, ay mach'a c'opoj tel ta ch'ulchan la caiy te jich la yalbone: —Muca me ta awo'tan te bila la yalic te juqueb chawuque. Ma me xats'ibuy ta jun —la yuton.

Apocalipsis 1:19

Jich yu'un ts'ibuya spisil te bila la awilixe, soc te bila ay ta ora to, soc te bila ya xc'ot ta pasel ta patile.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

1 Timoteo 1:3

C'alal boon ta sq'uinal Macedonia, la calbat jilel te ja' lec te tey ya xjilat ta lum Éfeso, yu'un ya me acom te mach'atic te ya yaq'uic ta nopel te lotil p'ijubtesele.

Deuteronomio 31:19

“Yo'tic, ts'ibuya ta c'ayoj in to, soc ac'beya snopic te israeletic, swenta yu'un ya me sc'ajintayic, soc ya me xtuun cu'un ta swenta testigo ta stojolic.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Apocalipsis 1:2

Ja' la yal ta testigo te Sc'op Diose. Ja' testigo yu'un uuc te Jesucristo ta swenta te bila ac'bot yile.

1 Corintios 16:8

Ja'uc me to, ya to xjalajon li'to ta Efeso ja' to ta yorail te q'uin Pentecostés.

1 Corintios 15:32

Ta bay lum Efeso, la jtsal jba soc te mach'atic pajalic soc jti'awal chambalametique. Ja'uc me to, ¿bi ya xloc' cu'un a? Teme ma xcha'cux te animaetique, ja' lec te jichuc ya caltic uuc te bit'il ay ta alele: “We'ucotic-uch'ajucotic; melel pajel ya xlajotic”, te xie.

Hechos 20:17

Te c'alal ayotiquix ta lum Mileto, te Pablo la sticun tel ta iq'uel te ancianoetic yu'un te jch'uunjeletic te ayic ta lum Efeso.

Hechos 18:24

Jich ora c'ot ta lum Efeso jtul judio-winic te Apolos sbiil te ja' slumal te lum Alejandría. Te winique la sna' c'op ta lec, soc ya sna' ta lec te Sjun Diose.

Hechos 16:14

Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.

Colosenses 2:1

Ya jc'an te ya ana'ic stojol te bit'il tulan yacon ta at'el ta jcoltaybelex ja'ex soc uuc te quermanotactic te ayic ta lum Laodicea, soc spisil te quermanotactic te ma ba yilojbonic jsite.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Apocalipsis 2:24

Ja'uc me to, te ja'exe soc te mach'atic ayic ta Tiatira te ma ba ach'uunejic te bila ya yac' ta nopel te Jezabele soc te ma ba bajt' ta awo'tanic snopel te bila mero tulan p'ijubtesjibal ta sc'opic te ja' yu'un Satanás stuquele, ya calbeyex te ma'yuc yan mandal te ya cac'beyex acuchique.

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

Apocalipsis 22:10

Soc la yalbon: —Ma me xanac' te bila ts'ibubil jilel li' ta jun to. Melel nopol ya xc'otix ta pasel.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.