Amós 8:4 - Bible in Tzeltal de Oxchuc y Tenejapa

⁴ Aiya awaiyic stojol, ja'ex te ya atenic ta uts'inel te alumalic te peq'uel ayique, soc te ya awuts'inic te me'baetic ta alumal;

Bible in Tzeltal Bachajón

⁴ A'iya awa'iyic ini, ha'ex te yac ats'o'ic ta teq'uel te mach'atic mayuc bin ay yu'unic soc te yac ajinic te pobrehetic ta q'uinal,

Amós 8:4 Referans Kwoze

Amós 5:11

Scaj te ya apech'ic ta teq'uel te me'baetic soc ya ac'anbeyic spatanul te strigoe. Ma xju' ya anainic te naetic te la apasic ta tone, soc ma x'awuch'beyic ya'lel te ts'usubiltic te ats'unojique.

Proverbios 30:14

Ay mach'atic te ja' puñal c'oem te yeic, soc machit c'oem te xcha'amic, swenta slajinel ta jc'axel te me'baetique.

Salmos 14:4

Ma'yuc bi ya sna'ic te mach'atic amen yat'elique. Ja'ic ya swe'bonic c'oem te lum cu'une, jich ya slajinic te bit'il mach'a ya swe' waj. Ja' te mach'atic ma sc'anbeyic coltayel ta stojol te Cajwaltique.

Salmos 140:12

Jna'oj stojil te bila ya spasbey ta stojol me'ba te Cajwaltic, soc ya scoltay te mach'a c'ux obol sbae.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Santiago 5:6

La alebey smulic te mach'atic ma'yuc smulique soc la awaq'uix ta lajel, ja'uc me to, te mach'atic ma'yuc smulique ma ba la scoltay sbaic ta c'op stuquelic.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

Amós 7:16

Jich yu'un ya calbat, aiybeya awaiy stojol sc'op te Cajwaltique. Ja' te ya awal atuquel te ja'ate: “Ma x'ata ta alel te Diose, ma me xacontroin Israel, ma me xacontroinbey te sts'umbal Isaac”, te xaate.

Jeremías 28:15

Jich yu'un te Jeremías ba yalbey te Hananías: —Aiya awaiy stojol, Hananías. Te Cajwaltique ma ba sticunejat, tojol nax ya awac'bey smuc'ul yo'tan te lume.

Isaías 28:14

Aiya awaiy stojol te bila ya yalbeyex te Cajwaltique, ja'ex te amen awo'tanic te ya xmandalajex tey ta lum Jerusalén.

Isaías 1:10

Jtsobwanejetic yu'un Sodoma c'oemex, aiybeya awaiyic stojol sc'op te Cajwaltique; lum Gomorra, aiya awaiy stojol ta lec te bitic ya yac'bat anop te Dios cu'untique.

Salmos 56:1

Dios cu'un, na'bon yo'bolil jba, yu'un ay mach'atic ya snutson; ta spisil ora ya yac'bon guerra soc ya yac'bon bayal jwocol.

Job 24:4

Parte la yac'bey yac' sbaic ta be te mach'atic me'baetique; te mach'atic peq'uelic, puersa me ya snac' sbaic yu'un.

Ezequiel 45:10

“Ta apisilic tuuntesaic te sp'isol soc yalal te mero ts'acale.

Amós 5:12

Jo'on ya jna' te bayal bila amen apasojic soc te ma'yuc slajibal te amulique. Ya atenic ta uts'inel te mach'a toje, ya atsac amajt'an taq'uinic, soc ta bay chajbajibal ma'yuc sc'oplal ya xc'ot awu'unic te bila ya sc'an te me'bae.

Miqueas 2:2

Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Salmos 10:7

Ja'uc me to, nojel ta ye bol c'opetic, lotetic soc lo'laywanej; muquen ay ta yo'tan te uts'inwanej soc te bitic amene.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Miqueas 3:3

Cuxul to a te ya ati'bonic c'oem te lum cu'une; ya ach'i'beyic te snujc'ulele, soc ya ac'asbeyic te sbaquele. Jich c'oem ta awo'tanic te bit'il ti'bal ya yich' payel ta oxome.

Zacarías 5:6

La jojc'obey, jich la calbey: —¿Bila a in to? —la cut. La sjac'bon: —A, ja' in to, moch swenta p'isjibal smulic te mach'atic nainemic ta lumq'uinale —xi'.