Amós 5:3 - Bible in Tzeltal de Oxchuc y Tenejapa

³ Jich ya yal te Dios te Ajwalil yu'un te israeletique: —Teme ay jpam lum ya sticun bael jmil (1,000) winiquetic ta guerra, ja' nax cuxul ya sujt'ic jo'winic (100); teme ay jpam lum ya sticun jo'winic (100), ja' nax lajuntul ya sujt'ic tel —xi'.

Bible in Tzeltal Bachajón

³ Como hich yaloj te Jehová, te Ajwalil: Te pueblo te ya xloc' bahel ta guerra soc jmil (1,000) ta tuhl, ha xanix ho'winic (100) ya suhtic talel; te pueblo te ya xloc' bahel soc ho'winic (100) ta tuhl, ha xanix lajuntuhl ya suhtic tal ta sna Israel, xchi.

Amós 5:3 Referans Kwoze

Romanos 9:27

Jich uuc te Isaiase, la yalbey sc'oplal te israeletique: “Manchuc teme jich yipal sts'umbal Israel te bit'il sji'al te mare, ja'uc me to, scomenal xanix te ya xcolique.

Ezequiel 12:16

Pero ya me cac' te ya xcolic jilel cha'oxtul ta guerra, ta wi'nal, soc ta chamel, swenta yu'un ta nacionetic te banti ya xbajt'ic, ya me yalic spisil te bitic ilaybil sba la spasique, soc ya me sna'ic te jo'on Ajwalilon —xi'.

Isaías 10:22

Te ja'at lum Israel, manchuc me mero bayal awajtalul, teme jich ma xju'at ta ajtayel jichuc sji'al mar; ja'uc me to, ma me ayuquix lec awipal ya sujt'ex. Albilix te jinel ta atojolique, ya me yich' pasel te castigo te bit'il nix ya sc'ane.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Deuteronomio 28:62

Ja'at Israel te mero bayalate, te jichat te bit'il eq'uetic ta ch'ulchan, pero ya me awich' ch'inubtesel, ma me ayuquix tsobol ya xjilat, ta scaj te ma ba la ach'uun te Cajwaltic Diose.

Deuteronomio 4:27

Te Cajwaltic ya me spuquex bael ta yantic nacionetic, ma me ayuquix bayal cuxul ya xjilex.

Amós 6:9

Jich yu'un, teme ya xjil lajuntul yajwal te nae, ta slajuntulul ya me xlajic.

Salmos 144:14

Te wacaxetic cu'untic ay yal ya xjilic; ma'yuc bay jich nax ya xc'ax yalic te ma to sta yuile. Ma'yuc mach'a ya x'awun yu'un xiwel ta guerra ta calleetic cu'untic.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,