Amós 4:2 - Bible in Tzeltal de Oxchuc y Tenejapa

² Te Cajwaltic te Ch'ul Dios stuquele, jich ya yal ta jamal: —Te ja'exe ya me xtal sc'aalelal ta atojolic te ya awich' luquel bael ta lucub taq'uin, soc te awalatac ya me yich'ic luquel bael ta stsacjibal-chay.

Bible in Tzeltal Bachajón

² Te Jehová, te Ajwalil, hich la yal ta jamal ta scuenta te ha Ch'ul Dios: Ya xtal yorahil, antsetic, te ya yiq'uex bahel ta ganchohetic, soc te ats'umbalic ya x'ic'otic bahel ta slucojibal chay.

Amós 4:2 Referans Kwoze

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Salmos 89:35

Jun nax buelta jc'axel caloj swenta bit'il ch'ul Dioson jtuquel, ma ba ya jpas ta lot te David:

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.

Isaías 37:29

Ya jna' te sc'ajc'al awo'tan soc te atoybaile, jich yu'un ya cac'bat staq'uinal ani' soc sfrenoil awe, ya cac' sujt'at bael ta abe te bay nix talate”, xi' te Cajwaltique —xi' te Isaías.

Ezequiel 29:4

Ya cac'bat sganchoil ani', ya cac' lap'ajuc ta asulil te chayetic yu'un te muc'ja' awu'une. Ya me jloq'uesat tey a, ta spisil me chayetic lap'ajtic ya xloc' ta asulil.

Ezequiel 38:4

Ya cac' sujt'an tel ta jc'ab, ya cac'bat ochel gancho ta awe. Ya jloq'uesat ja'at soc te caballoetic awu'une, soc nix te mach'atic ya xmoic a, te ay bayal yutsil sc'u'-spaq'uique, ja' te soldadoetic te yich'oj yat'ejibinic puñaletic ta guerra soc spisil ta jchajp majq'uilaletic.

Amós 8:7

La yal ta jamal te Cajwaltic, la sta ta alel a te bila stoyoj sba yu'un te sts'umbal Jacob: —Mero ma xch'ay ta co'tan te bila spasojique —xi'.

Salmos 89:36

ja' ya sjelolin ta muc' ajwalil te patil alnich'anetic yu'un ta spisil te jayeb c'aal lec ay te c'aale.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.