Amós 4:1 - Bible in Tzeltal de Oxchuc y Tenejapa

¹ Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Bible in Tzeltal Bachajón

¹ A'iya awa'iyic te c'op ini, ha'ex wacaxetic yu'un Basán, te nahinemex ta wits yu'un Samaria, te yac awa'beyic swocol te pobrehetic soc yac awuts'inic te mach'atic mayuc bin ay yu'unique; te hich yac awalbeyic te amamalalic: Ich'ahic tal bin ya cuch'tic, te xchihexe.

Amós 4:1 Referans Kwoze

Salmos 22:12

Te jcontrotac sjoytayejonic jichuc toroetic, c'ajc'al toroetic yu'un Basán yilel;

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Amós 5:11

Scaj te ya apech'ic ta teq'uel te me'baetic soc ya ac'anbeyic spatanul te strigoe. Ma xju' ya anainic te naetic te la apasic ta tone, soc ma x'awuch'beyic ya'lel te ts'usubiltic te ats'unojique.

Ezequiel 39:18

Ya me sti'beyic sbaq'uetal soldadoetic, ya me yuch'beyic xch'ich'el ajwaliletic ta lumq'uinal, jich me ya xc'ot yu'unic te bit'il xch'ich'el tat chijetic, ch'in chijetic, tentsunetic, o jujp'en alal toroetic ta Basán.

Eclesiastés 4:1

Bajt' co'tan ta yilel te tulan uts'inel yac ta pasel ta balumilal. La quil te mach'atic yacal yich'belic tulan uts'inele, yacalic ta oq'uel, pero ma'yuc mach'a ya xmuc'tesbot q'uinal yaiyic yu'un. Ya x'ac'botic tulan swocolic yu'un, pero ma'yuc mach'a ya xmuc'tesbot q'uinal yaiyic yu'un.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Joel 3:3

La spucbey sbaic te lum cu'une, la spasbeyic snumeroil ta na'el mach'a ya xc'ot ta swenta. La xchonic te alalqueremetic soc te alal ach'ixetique. Te stojole la slajinic ta vino, la slajinic ta swenta jmulawil antsetic.

Ezequiel 22:29

Te yajwal lume yat'elinejic elec' soc uts'inwanej. Ya yac'bey swocolic te me'baetique soc te mach'atic ma'yuc bila ay yu'unic. Ya yuts'inic te jyanlumetique, soc ya spasbeyic te bila ma stojiluque

Ezequiel 22:27

Te ajwaliletic yu'un te lumq'uinal pajal soc ja'mal ts'i'etic te ya stuch' ta ti'el te sti'balique. Chapalic yu'un ya smalbeyic xch'ich'el yantic, chapalic yu'un ya smilic ants-winiquetic, yu'un jich ya sta sc'ulejalic a.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Jeremías 51:34

Ya yal Jerusalén, te lum yu'un Sión: —Nabucodonosor, te muc' ajwalil yu'un Babilonia, wuyultic la yac'on, soc la sbic'on bael; jochol la yijq'uitayon jilel jichuc plato. Jich c'oem te bit'il muc'ul chan ta mar te la sbic'on baele; noj xch'ujt' yu'un a te bitic la smulanbone, te olil xane la xch'oj bael. Ac'a stoj Babilonia, te bayal la yuts'inone; ac'a stoj caldeoetic te ants-winiquetic la smilbonique —xi' me ta yalel.

Jeremías 50:27

Milbeyaic spisilic te soldadoetic yu'une, ticunaic bael ta miljibal. ¡Ya me yil swocolic! ¡C'otix sc'aalelal, yorailix te castigo ta stojolique!

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Jeremías 6:6

Te Cajwaltic te Spisil ya xju' yu'une, ja' la yalix mandal: —Bojaic tel te'etic, but'aic moel lum ta spat sts'ajc'ul ta swenta yac'beyel guerra te Jerusalén. Te lume ya x'ilbotix swocol ta castigo, melel nojel uts'inel tey a.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

Isaías 5:8

Ya me awil awocolic ja'ex te ya amanulayic bayal naetic, te ya aleic bayal aq'uinalique. Ja' to ya ac'an te atuquel ya awentain spamal te q'uinale, te ma'yuc mach'a jtuluc ya awaq'uix tey a; soc jich ya anajc'an abaic te bit'il ja'ex nax yajwalex yilel te lumq'uinale.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Salmos 140:12

Jna'oj stojil te bila ya spasbey ta stojol me'ba te Cajwaltic, soc ya scoltay te mach'a c'ux obol sbae.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Job 20:19

La slo'laybey sbiluc soc la spijt'es jilel te me'baetique; la yu'unin naetic te ma ja'uc spasoje.

1 Reyes 16:24

La smanbey te Semer te swits yu'un Samaria, waqueb xchanwinic (66) kilo plata la stoj. Tey la spas jpam lum a te joytabil ta ts'ajq'ue. Samaria sbiil c'ot yu'un te lume, scaj te Semer sbiil te winic la xchon te witse.

Deuteronomio 28:33

Te sit te awawal-ats'unub ta aq'uinal, soc ta spisil te bitic ya ata ta awat'ele, ja' me ya swe'ic te mach'atic ma'yuc bi ora la ana'bey sbaic ta neelal to. Soc spisil me ora c'ux obol aba yu'un mozoinel soc ma me ayuc ac'oplal ta o'tanil.

Jeremías 50:11

“Ja'ex caldeoetic, te la apojbeyic sbiluc te lum cu'une, binuc nax me awo'tanic soc bayaluc me yutsil q'uinal ya awaiyic. Wilanic jichuc jcojt' alal wacax ta aquiltic. Ilajananic jichuc caballoetic.

Deuteronomio 24:14

“Ma me xawac'beyic swocol te mach'atic me'baetique, ora me xawac'beyic te stojolic, mach'auc a, manchuc me alumalic o jyanlumetic te nainemic ta alumalique.

Ezequiel 18:12

teme ya yuts'in te me'ba soc te mach'a ay swocole; teme ya yelc'anbey sbiluc te yantique; teme ma ba ya sujt'esbey te bi ac'bot ta swenta prendal yu'un te mach'atic ay sbet yu'une; teme ja' ya smuc'ulin yo'tan te lotil diosetique; soc teme ya spas te bitic ilaybil cu'une;

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

Números 21:33

Ta patil sujt'ic bael ta stojol Basán. Te Og te muc' ajwalil yu'un Basán, loc' bael soc spisil te soldadoetic yu'un, ba yac'beyic guerra ta sti'il lum Edrei.

Job 24:4

Parte la yac'bey yac' sbaic ta be te mach'atic me'baetique; te mach'atic peq'uelic, puersa me ya snac' sbaic yu'un.

Proverbios 22:7

Te me'baetic ja' yajwalinejic te jc'uleje; te mach'atic ay sbetique, ja' mosoinbilic yu'un te mach'a ay bila ya yac' ta majanele.

Isaías 28:1

¡Ya me yil swocol te Samaria! Toyol nax q'uinal ya yaiyic yu'un te mach'atic ay ta Efraín, scoronainej ta yo'tanic, ja'ic te mach'atic baem yo'tanic ta yacubele. Te Samaria, ja' yutsilal xch'alilic c'oem; ja'uc me to, nichim te taquejeme. Ay ta toyol ta bay slajibal moel te lequil stenlej xatal q'uinale; ja' lum yu'un te ants-winiquetic te u'uninbilic yu'un te yacubele.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

Amós 3:1

Ja'ex israeletic, aiya awaiyic stojol te bila ya yal te Cajwaltic te la sloq'uesex tel ta Egipto:

Amós 3:3

Teme ay cheb te ya sjoin sbaic ta beele, yu'un pajal yo'tan sbaic.