Amós 3:2 - Bible in Tzeltal de Oxchuc y Tenejapa

² —Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Bible in Tzeltal Bachajón

² Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Amós 3:2 Referans Kwoze

Deuteronomio 7:6

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

1 Pedro 4:17

Yu'un yorailix te ich'el ta c'ope. Ja' neel ya x'ilbot yat'elic te alnich'anetic yu'un te Diose. Teme ja' neel ya quich'tic ich'el ta c'op te jo'otique, ¿bit'il ya xc'ot ta loq'uel stuquel te mach'atic ma sc'an xch'uunic te lec yach'il c'op yu'un te Diose?

Deuteronomio 10:15

Te Cajwaltic la stsa te antiguo ats'umbalique, c'ux la yaiy ta yo'tan. La stsa uuc te patil alnich'anetic yu'unique, ja'ex abi, te la awich'ic tsael loq'uel ta yolil te yantic lumetique, jich te bit'il yacotic ta yilele.

Romanos 2:9

Ya me yaiybeyic swocolil soc xc'uxul te mach'atic yat'elinejic spasel te bila ma lecuque. Ja' neel te judioetique soc uuc te jyanlumetique.

Daniel 9:12

Te ja'ate, te bit'il la awac'botic tel ta jtojoltic te bitic mero amene, jich c'ot ta pasel awu'un te awaloj te ya awac'botic castigo soc te ajwaliletic cu'untique. Melel ma'yuc castigo jich c'oem ta pasel ta balumilal te bit'il julem ta stojol Jerusalén.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Jeremías 11:22

Te Cajwaltic te Spisil ya xju' yu'une jich la yalbey: —Ya me quich'beyex ta wenta te yat'elique: te jch'iel queremetique ya me xlajic ta guerra, te alalqueremetic ach'ixetic yu'unique, ya me xlajic ta wi'nal.

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Jeremías 9:25

Te Cajwaltic jich ya yal: —Ya me xc'ot sc'aalelal te ya cac'bey castigo spisil te lumetic te ja' nax yich'ojic circuncisión ta swenta sbaq'uetalic:

Jeremías 1:15

Jo'on Ajwalilon, smelelil ya calbeyex: Ya quic' tel spisil jmandalteswanejetic yu'unic te mach'atic ayic ta norte. Ya me xtalic te muc' ajwaliletic yu'unic, soc ya me yaq'uic smuc'ul nactijibic ta bay nix stojol yochibal Jerusalén, ta bay stojol sts'ajc'ul te ay ta sjoyobale, soc ta stojol spisil te lumetic yu'un Judá.

Isaías 63:19

Jich c'oemotiquix te bit'il ma ba la apasotic ta mandal, ni jtebuc; jich c'oemotiquix te ma ba quich'ojtiquix te abiile.

Salmos 147:19

Te Cajwaltic la yac'bey sna' Jacob te sc'ope; la yac'bey sna' Israel te mandaliletic yu'un, soc te bitic xchapoj ta yo'tane.

Deuteronomio 26:18

Ja' nix jich te Cajwaltique, yo'tic la yalix ta jamal ta atojol, Israel, te ja'at te lumat te mero yu'unate, jich te bit'il yaloj ta nameye, soc te ya ach'uunbey spasel spisil te mandaliletic yu'une.

Génesis 10:32

Ja' sts'umbal Noé ta juju-jchajp ta sejpelsejp sq'uinalic. Ja'ic te la spuc sbaic te la slumalinic te q'uinal ta sejpelsejp ta spamal balumilal te c'alal c'axix a te pulemale.

Hechos 17:26

“Ta swenta jtul nax winic, Dios la xchicnantes spisil ta jchajp ants-winiquetic, swenta yu'un ya x'ainic ta spamal te balumilale. Xjajch'ibal to chajbanbil yu'un Dios te yorailic ta cumulcum soc ta banti ay te smojonil sq'uinalique.

Nahúm 3:4

Ta spisil, ta scaj smulwej te jmulawil antse. Te jmulawil ants lec ta ilel soc buen t'ujbil, maestra yu'un j'ac'-chamel, soc jbolteswanej. Ta swenta smulwej soc te bila snopoj spasel, ya slo'lay a te lumetic soc te nacionetique.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Deuteronomio 32:9

melel te bila ay yu'un te Cajwaltique, ja' te lum yu'une, ja' me te sts'umbal Jacob.

1 Corintios 8:3

Ja'uc me to, te mach'a c'ux ya yaiy ta yo'tan te Diose, ja' na'bil sba yu'un Dios stuquel.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Deuteronomio 4:32

“Ilawil teme ay jich c'oem ta pasel ta namey tel, te c'alal Dios la spas te ants-winic ta balumilal; ilawil ta spamal balumilal, teme ay jich c'oem ta pasel te c'ax muc' sc'oplal te bila c'oem ta pasel ta ora in to.

Ezequiel 5:9

Ma'yuc jich jpasojbat, soc ni ma'yuc bi ora ya jpasbat yan buelta. Ja'at nix, ta scaj te buen amen te awat'ele.

Oseas 5:3

Ya jna'bey sba te Efraín; te Israel ma yu'unuc ma jna'bey sba. Te Efraín yac'oj sba ta mulwej; te Israel la sboltes sba —xi'.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Amós 3:3

Teme ay cheb te ya sjoin sbaic ta beele, yu'un pajal yo'tan sbaic.

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Miqueas 2:3

Ja' swentail te jich la yal te Cajwaltique: —Jo'on chapalix cu'un ta jcontroinbelex te ja'exe. Ya jticun tel tulan woclajel te ma xju' ya acoltay aba yu'une. Ma xju'ix te soc nax toybail ya xbeenexe, melel ya me sta yorail ya xc'ot te awocolique.

Éxodo 32:34

Jich yu'un beenan, ic'a bael te lum ta bay calojbate. Te ch'ul abat cu'une ja' me ya yic'at bael. Te c'alal ya xc'ot sc'aalelal te castigo, ya me cac'bey castigo yu'un te smulique —xi'.