Amós 2:5 - Bible in Tzeltal de Oxchuc y Tenejapa

⁵ Jich yu'un ya cac'bey sc'aal te Judá, tan me ya xjil yu'un te muc'ul naetic ta Jerusalén —xi'.

Bible in Tzeltal Bachajón

⁵ Ha yu'un ya ca'be sc'ahc'al te Judá, ha ya slajinlan te tulan ts'ahquetic yu'un Jerusalén, xchi.

Amós 2:5 Referans Kwoze

Oseas 8:14

Israel ya spas palacioetic yu'un ajwalil; ja'uc me to, ya xch'ay ta yo'tanic te mach'a jpaswanej yu'une. Judá ya spas bayal ta jpam lumetic te tulanic sts'ajc'ule; ja'uc me to, ya cac'bey tiluc sc'aal te ya xtanub ta c'ajq'uel te muc'ul naetic yu'une —xi' te Cajwaltique.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Jeremías 21:10

Melel jnopoj te ya cac'bey tel bila amen ta stojol in lum to, ma ja'uc ya cac'bey te bila leque. Ya me cac'bey ta sc'ab te muc' ajwalil yu'un Babilonia, soc ja' me ya yac'bey sc'aal te lume. Jo'on Ajwalilon, jich ya cal”, uta me —xi' te Cajwaltique.

Jeremías 52:13

La xchic' te templo, te muc'ul na yu'un te muc' ajwalile, soc spisil te nanatic ta lume, ja' nix snaic spisilic te mach'atic muc' sc'oplalique.

Jeremías 39:8

Te caldeoetic la xchic'beyic te spalacio te ajwalil soc te nanatic ta lum. Te sjoyobal sts'ajc'ul te Jerusalén la sjinic coel.

2 Reyes 25:9

La yac'bey sc'aal te templo, te sna muc' ajwalil, soc spisil te naetic ta lum, ja' mero tojlinotic te snaic te mach'atic ich'bilic ta muq'ue.

Amós 3:11

Jich yu'un jich ya yal te Cajwaltic Diose: —Te acontrotac ya me xtal sjoytayic te alumale, ya me swuybat coel te tulanil ts'ajq'uetic awu'un soc ya me spojic bael sbiluquil te muc'ul palacio awu'une —xi'.

Amós 3:15

Ya me jin te naetic ta bay ya xnainic ta yorail invierno soc ta bay ya xnainic ta yorail verano; ya me cac'bey sta slajibal te naetic ch'albilic ta marfil, soc jc'axel ya jwuy te muc'ul naetique —xi' ta tulan te Cajwaltique.

Amós 7:4

Ja' la yac'bon quil Cajwaltic in to: La quil la yich' ticunel tojc'al ta swenta castigo. Jc'axel la staquintesbey ya'lel ta bay mero sna'bilal mar, soc yaquix ta c'ajq'uel te q'uinale.

Amós 1:4

Jich yu'un ya cac'bey sc'aal spalacio te muc' ajwalil Hazael, tan ya xjil yu'un te muc'ul naetic yu'un Ben-hadad.