Amós 1:9 - Bible in Tzeltal de Oxchuc y Tenejapa

⁹ Jich ya yal xan te Cajwaltique: —Te mach'a ayic ta lum Tiro bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la xchonic bael ta mosoil ta Edom spisil yajwal te jpam lume, manchuc me ay trato yu'unic te jun yo'tan sbaique.

Bible in Tzeltal Bachajón

⁹ Hich yaloj te Jehová: Ta scuenta oxchahp mulil yu'un Tiro, ta scuenta chanchahp, ma ba ya jcom te castigo yu'une; como la yac' ta sc'ab Edom jun pueblo, ma ba la yich' ta cuenta te chapbil-c'op ta stojol mach'atic yermano sbahic.

Amós 1:9 Referans Kwoze

2 Samuel 5:11

Ja' yu'un te Hiram te muc' ajwalil yu'un lum Tiro la sticun abatetic te muc' yat'el yu'un ta stojol te David, soc la sticun carpinteroetic soc albañiletic. La yich'ic bael cedro, och spasbeyic te smuc'ul na te David.

San Mateo 11:21

—¡Lum Corazín, ya me awil awocolic! ¡Lum Betsaida, ya me awil awocolic uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la slapic ch'ixal pac', soc la snajc'an sbaic ta stanul c'ajc' ta sujt'esel yo'tanic te jichuque.

Amós 1:11

Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

Amós 1:6

Jich ya yal xan te Cajwaltique: —Te mach'a ayic ta lum Gaza bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la yiq'uic bael ta chuquel spisil yajwal te jpam lume, la xchonic bael ta mosoil ta Edom.

Jeremías 47:4

Melel c'otix sc'aalelal te ya xtub ta jc'axel te filisteoetique; te ya xpojbot Tiro soc Sidón te scoltayel te ay xan yu'unique —xi'. Te Cajwaltic ya slajin te filisteoetic, te loq'uic tel ta Creta, te q'uinal joytaybil ta mar.

Jeremías 25:22

soc nix spisil te muc' ajwaliletic yu'un Tiro soc Sidón; soc nix spisil te mach'atic muc' ajwaliletic yu'un te lumetic ta ti'mar Mediterráneo;

San Mateo 11:22

Ya calbeyex te bayal me castigo ya awich'ic ja'ex lum Corazín soc lum Betsaida te c'alal Dios ya yilbeyex awat'elique. Yan te lum Tiro soc te lum Sidón ma sta jich castigo ya yich' stuquelic.

San Lucas 10:13

“¡Lum Corazín ya me awil awocol! ¡Lum Betsaida ya me awil awocol uuc! Melel te teyuc la yich' pasel jchajp at'eliletic ta bay lum Tiro soc ta lum Sidón jich bit'il te la yich'ix pasel ta atojolique, ora la sujt'es yo'tanic te jichuque. La me slapic ch'ixal pac', soc la me snajc'an sbaic ta stanul c'ajc' ta smelel yo'tanic te jichuque.

San Lucas 10:14

Ja'uc me to, te c'alal ya sta yorail yu'un te Dios te ya yilbeyex awat'elique, bayal me castigo ya awich'ic. Yan te lum Tiro soc te lum Sidón, ma sta jich castigo ya yich' stuquelic.

Salmos 83:7

Gebal, Amón soc Amalec, filisteoetic, soc te mach'atic nainemic ta lum Tiro.

Ezequiel 28:18

Mero bayal muliletic la apas, mero ilaybil la awac' aba soc te jmanbajel jchonbajel awu'une, la ajinbey sc'oplal te temploetic awu'une. Ja' yu'un la cac' t'omuc loq'uel c'ajc' ta awolil, swenta yu'un la slajinat. Yo'tic, tsobol mach'atic ya yilat, ch'aybilatix coel ta lum, c'atp'ujematix ta tan.

Abdías 1:11

C'alal la spojbey sc'ulejal te scontroe, soc c'alal la slombeyic ochel yochibal sts'ajc'ul lum Jerusalén te mach'atic soldado-jyanlumetique, te ja'at la aq'uej aba ta jejch'. C'alal la spasbeyic snumeroil ta na'el mach'a ya yich' te bila la spojique, soc te la yich'bey bael sc'ulejalic, ja'at nix jich la apas.

Zacarías 9:1

Ja' in to, ja' te sc'op Cajwaltic la yal ta swenta scontroinel te Hadrac soc te lum Damasco. —Te lumetic ta Siria jo'on cu'un te Ajwalilon, jich nix te bit'il te jayeb ta jchajp te sts'umbal Israel.

Ezequiel 27:1

Te Cajwaltic la sc'oponon, jich la yalbon:

Ezequiel 27:27

Te ac'ulejal, te achonbajel, soc ta spisil te bitic ya xloc' awu'une, te j'at'eletic ta barco ta mar, soc te jtij-barcoetic awu'une, te mach'atic ya smacbeyic xujc' te ach'ujte'ale, te jchonbajeletic awu'une, te soldadoetic soc ta spisil te jtij-barcoetic awu'une, ya me xcoic bael ta ye'tal mar te bi c'aalil ya xcoat bael uuque.

Ezequiel 28:1

Te Cajwaltic la sc'oponon, jich la yalbon: