Amós 1:6 - Bible in Tzeltal de Oxchuc y Tenejapa

⁶ Jich ya yal xan te Cajwaltique: —Te mach'a ayic ta lum Gaza bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la yiq'uic bael ta chuquel spisil yajwal te jpam lume, la xchonic bael ta mosoil ta Edom.

Bible in Tzeltal Bachajón

⁶ Hich yaloj te Jehová: Ta scuenta oxchahp mulil yu'un Gaza, ta scuenta chanchahp, ma ba ya jcom te castigo yu'une; como la yic' bahel ta chuquel spisil te jun pueblo yu'un ya ya'be ta sc'ab Edom.

Amós 1:6 Referans Kwoze

Amós 1:11

Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

2 Crónicas 28:18

Soc te filisteoetique, la yich'beyic bael sbiluquil te lumetic ay ta peq'uel witstiquil, soc ta Néguev te ay ta swenta Judá. La yu'unin te Bet-semes, Ajalón soc Gederot, soc te Soco, Timna, Gimzo, soc te ch'in lumetic yu'unique, soc la snajc'an sbaiquix tey a.

Abdías 1:11

C'alal la spojbey sc'ulejal te scontroe, soc c'alal la slombeyic ochel yochibal sts'ajc'ul lum Jerusalén te mach'atic soldado-jyanlumetique, te ja'at la aq'uej aba ta jejch'. C'alal la spasbeyic snumeroil ta na'el mach'a ya yich' te bila la spojique, soc te la yich'bey bael sc'ulejalic, ja'at nix jich la apas.

Amós 1:9

Jich ya yal xan te Cajwaltique: —Te mach'a ayic ta lum Tiro bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la xchonic bael ta mosoil ta Edom spisil yajwal te jpam lume, manchuc me ay trato yu'unic te jun yo'tan sbaique.

1 Samuel 6:17

Te jo'eb sijt'ubel pasbil ta oro te la yac' te filisteoetic swenta slectesjibal yo'tan te Cajwaltic, jujun c'oem ta swenta te lum Asdod, Gaza, Ascalón, Gad soc Ecrón.

Joel 3:6

La awiq'uic bael ta c'ubul te yajwal Judá, soc la awiq'uic bael te mach'atic nainemic ta Jerusalén, la achonic ta mosoinel yu'un griegoetic.

Ezequiel 35:5

“Ja'at mero spisil ora acontroinej te israeletic, la awac'bey guerra ta stojolic, te c'alal la yich'ic te slajibal castigo ta scaj smulique.

Zacarías 9:5

“Te bi ora ya yil te lum Ascalón, ya me xtal xiwel ta yo'tan yu'un. Te lum Gaza ya me xc'ax bayal swocol; jc'axel me ya xpejc'aj te bila bayal sc'oplal ta yo'tan smaliyele. Te lum Gaza ma me ayuc muc' ajwalil ya xjil yu'un; te lum Ascalón ma me ayuquix yajwal ya xjil.

Amós 1:3

Jich ya yal te Cajwaltic: —Te mach'a ayic ta Damasco bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la stenic jichuc trigo te mach'atic ay ta Galaad, la swuyic ta taq'uin c'oem.

Jeremías 47:1

Ja' sc'op Cajwaltic te la yalbey te j'alwanej Jeremías te sc'oplal filisteoetique, te c'alal ma to bay yac'ojbey guerra te lum Gaza te faraón. Jich la yal:

Hechos 8:26

Ay jtul ch'ul abat yu'un Cajwaltic, c'oponot yu'un te Felipe, jich albot: —Jajch'an, baan ta stojol sur ta banti be te ya xjajch' tel ta lum Jerusalén te coel ya xbajt' ta lum Gaza —xi'. Ja' in be to, ja' te ya xc'ax ta jochol taquin q'uinale.

Joel 3:4

“¿Bi ya ac'anic ta jtojol, Tiro, Sidón, soc Filistea? ¿Ya bal asujt'esbonic spacol? ¿Ay bal bila ya ac'anbonic stojol? Nopol ya cac'beyex te bila ja'ex nix lebil awu'unique.

Amós 1:7

Jich yu'un ya cac'bey sc'aal te ts'ajq'uetic yu'un lum Gaza, tan ya xjil yu'un te tulanil ts'ajq'uetique.