Amós 1:3 - Bible in Tzeltal de Oxchuc y Tenejapa

³ Jich ya yal te Cajwaltic: —Te mach'a ayic ta Damasco bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la stenic jichuc trigo te mach'atic ay ta Galaad, la swuyic ta taq'uin c'oem.

Bible in Tzeltal Bachajón

³ Hich yaloj te Jehová: Ta scuenta oxchahp mulil yu'un Damasco, ta scuenta chanchahp, ma ba ya jcom te castigo yu'une; como la swuyticlanic te Galaad ta swuyojibal pasbil ta hierro.

Amós 1:3 Referans Kwoze

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.

Amós 1:9

Jich ya yal xan te Cajwaltique: —Te mach'a ayic ta lum Tiro bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la xchonic bael ta mosoil ta Edom spisil yajwal te jpam lume, manchuc me ay trato yu'unic te jun yo'tan sbaique.

Isaías 8:4

Melel te c'alal ma to sna' yalel: “Tat, me'”, te xie, te Damasco soc Samaria ya me yich' pojbeyel loq'uel sc'ulejalic, ya me x'ich'ot bael ta stojol te muc' ajwalil ta Asiria —xi'.

2 Reyes 8:12

Te Hazael jich la sjojc'obey: —¿Bi yu'un ya x'oc'at, cajwal? —xi'. La sjac' te Eliseo: —Melel ya jna' te ya awac'bey swocol te israeletic, melel ya awac'bey sc'aal te anjibaletic yu'unic, ya amil ta puñal te querem-ach'ixetic, ya amaj ta lum te alaletic yu'unique, soc ya ajambey xch'ujt'ic te antsetic yic'oj yalique —xi'.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Amós 2:1

Jich ya yal xan te Cajwaltique: —Te mach'a ayic ta Moab bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchic'beyic sbaquel te muc' ajwalil yu'un Edom, la sc'atp'unic ta tan ta jyalel.

Amós 1:13

Jich ya yal xan te Cajwaltique: —Te mach'atic yal-snich'an Amón bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel toyol yo'tan ta smuc'tesel xan te sq'uinale, jich muc' la sjambey xch'ujt' ta puñal te antsetic te yic'oj alal ta xch'ujt'ic te ayic ta sq'uinal Galaad.

Amós 1:6

Jich ya yal xan te Cajwaltique: —Te mach'a ayic ta lum Gaza bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la yiq'uic bael ta chuquel spisil yajwal te jpam lume, la xchonic bael ta mosoil ta Edom.

Zacarías 9:1

Ja' in to, ja' te sc'op Cajwaltic la yal ta swenta scontroinel te Hadrac soc te lum Damasco. —Te lumetic ta Siria jo'on cu'un te Ajwalilon, jich nix te bit'il te jayeb ta jchajp te sts'umbal Israel.

Amós 1:11

Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

Isaías 41:15

Ya jc'atp'unat ta sloq'uesjibal spat trigo te yach'il soc te lec ye; ya me awuy te witstiquile, ya me ac'atp'un ta tan, ya me awuy jichuc c'ajben te bay bujajtique.

Isaías 7:8

Te lum Damasco, ja' centro yu'un Siria, te Rezín, ja' ay ta muc' ajwalil ta Damasco; te lum Samaria, ja' centro yu'un te Efraín, te snich'an Remalías, ja' ay ta muc' ajwalil ta Samaria. Ja'uc me to, ta jo'eb xchanwinic (65) ja'wil te Efraín ma ba nación ya xc'ot; teme ma ba ts'unul ta lec te xch'uunjel awo'tanique, ma xju' xjalajat ta q'uinal”, uta me —xi' sc'oplal.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

Proverbios 6:16

Ay waqueb ta jchajp, asta juqueb, te bila jc'axel yilayej te Cajwaltique:

Job 19:3

Bayal buelta ya awuts'inonic ta c'op; ¿yu'un bal ma ba ya xq'uexawex yu'un te jich ya apasbonique?

Job 5:19

Ta spisil ora ya scoltayat loq'uel a te bila chujc'ule, ma xyac' te ya staat te bitic amene.

2 Reyes 13:7

Te soldadoetic yu'un te Joacaz, ja' xanix jil yu'un lajuneb yoxwinic (50) soldadoetic te ayic ta caballo, soc lajuneb carretaetic yu'un guerra, soc lajunmil (10,000) soldadoetic te ya xbeenic ta yacanic, scaj te jc'axel lajinot yu'un te muc' ajwalil yu'un Siria.

2 Reyes 13:3

Ja' yu'un ilin yo'tan ta stojol Israel te Cajwaltique. Bayal ja'wil la yac' ta sc'ab Hazael muc' ajwalil yu'un Siria, soc nix ta sc'ab Ben-adad te ja' nix snich'ane.

1 Reyes 19:17

Jich yu'un te mach'a ya xcol ta spuñal Hazael, ja' me ya smil te Jehú, soc te mach'a ya xcol ta spuñal te Jehú, ja' me ya smil te Eliseo.

2 Reyes 16:9

Te muc' ajwalil yu'un Asiria la yich'bey ta wenta te sc'ope. La xchajban swinictac yu'un guerra ta scontroinel Damasco, la stsal. C'alal ju' yu'un, la yac'bey yijq'uitay slumalic te yajwal te lume, la sticun bael ta Kir, soc la smil te Rezín.

Isaías 7:16

Te c'alal ma to sna' tsajtayel te bay lec soc te bay ma lecuque, ya me xjojch'aj jilel te sq'uinalic te cheb muc' ajwaliletic te ya yac'bat xiwele.

Isaías 28:27

Melel te eneldo ma ba ya yich' teq'uel yu'un chambalam, ni ma spas ta tselel c'axel carreta ta sba te comino; te eneldo ya yich' sajp'uyel ta majel ta te', yan te comino wajch' ya yich' majel stuquel a.

Zacarías 9:2

Soc ja' nix cu'un te Hamat te nopol ay soc te lumetique. Soc cu'un uuc te Tiro soc te Sidón soc spisil te bi yilel xcuxinelique.