Amós 1:2 - Bible in Tzeltal de Oxchuc y Tenejapa

² Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Bible in Tzeltal Bachajón

² Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Amós 1:2 Referans Kwoze

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Amós 9:3

Teme ya snac' sba ta bay stoylejal switsul Carmelo, tey ya xba jle a; teme ya snac' sba ta jtojol ta bay sc'ubulil mar, tey ya jticun bael a te smuc'ul xchanul mar, yu'un ya xba sti'.

Jeremías 12:4

¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Joel 2:11

Te Cajwaltic neel yac'oj sba ta stojol te soldadoetic c'oem yu'une, ya yac' chicnajuc yaw ta mero tulan. Mero bayal te soldadoetic c'oeme, ma x'ajtabaj te mach'atic ya xch'uunbey smandale. Mero muc' soc mero xiweltic sba te sc'aalelal te Cajwaltique. Ma'yuc mach'a ya xcujch' yu'un.

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Jeremías 50:19

Ya me cac' ya sujt' bael ta slum-sq'uinalic te israeletique, jich bit'il chijetic ya me sta bayal swe'elic ta Carmelo, ta Basán, ta witstiquil yu'un Efraín soc ta Galaad.

Jeremías 14:2

—Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.

Isaías 35:2

Ac'a me yac' bayal snich, jich bit'il t'ujbil nichimetic ta aquiltic; ac'a me nojuc smuc'ul yo'tan soc sbujts' yo'tan. Dios ya spasbey bayal yutsil, jich bit'il Líbano; buen utstesbil me, jich bit'il te Carmelo soc jich bit'il te spamlej Sarón. Spisilic ya me yilbeyic yutsilal xojobil te Cajwaltique, te smuc'ul yat'el te Dios cu'untique.

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

1 Samuel 25:2

Ay jtul mero jc'ulej winic ainem ta Maón. Ay oxmil (3,000) xchijetic soc jmil (1,000) tentsunetic yu'un, ay sq'uinal soc biluc yu'un ta lum Carmel. Tey baem ta sloq'uesel stsotsil chij a.

Salmos 46:6

Te nacionetic ya x'awunic, te wentainwanejetic ya xnijq'uic, te lumq'uinal ya x'ulub bael yu'un te c'alal ya yaiybeyic sc'op te Diose.

Jeremías 28:8

Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Joel 1:19

Cajwal, ja'at ya jc'oponat, melel lajix ta chiq'uel ta c'ajc' c'oem te swamalel te jochol q'uinale, soc lajix ta c'ajq'uel te te'etic ta q'uinaletique.

Salmos 29:4

Te sc'op Cajwaltic tulan ta jyalel; te sc'op Cajwaltic ay yu'el;