Amós 1:11 - Bible in Tzeltal de Oxchuc y Tenejapa

¹¹ Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

Bible in Tzeltal Bachajón

¹¹ Hich yaloj te Jehová: Ta scuenta oxchahp mulil yu'un Edom, ta scuenta chanchahp, ma ba ya jcom te castigo yu'une; como la snuts bahel ta espada te yermano, ma ba la yac' ta ilel sc'uxul yo'tan; u'untaybil spisil ora yu'un te sc'ahc'al yo'tan, stalel sq'uejoj yilimba.

Amós 1:11 Referans Kwoze

2 Crónicas 28:17

Melel te mach'atic talemic ta Edom, cha'talic xan ta stsalel te Judá, ay la yiq'uic bael ta chuquel.

Malaquías 1:4

Te mach'a edometic te sts'umbal Esaú, teme jich ya yalic: —La quich'tic jinel; ja'uc me to, ya jcha'pastic xan te jlumaltic —teme xiique. Te Cajwaltic te Spisil ya xju' yu'un, jich me ya sjac': —Ya niwan xcha'pasic xan; ja'uc me to, ya jcha'jinbey xan. Te slumal jich me ay te sbiil: “Slumal mulil” soc “Nación te sbajt'el q'uinal ilinem Cajwaltic yu'un”, xi' me sc'oplal.

Joel 3:19

Te Egipto jc'axel me jinem ya xjil; te Edom ya me yich' c'atp'unel ta jochol taquin q'uinal. Melel la yac'beyic guerra te yajwal Judá, ta slum-sq'uinal la smalbeyic xch'ich'el te mach'atic ma'yuc bila amen snopoj ta yo'tanique.

Salmos 137:7

Cajwal, na'a me te edometic; melel te c'alal och ta jinel Jerusalén, jich la yalic: “¡Jinaic, jc'axel jinaic c'alal ta yiptajib!” xiic.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Deuteronomio 23:7

“Ma me xawilayic stuquelic te edometic, melel achapomal stuquelic. Soc ja' nix jichic te egipcioetic, melel nainex ta sq'uinalic.

Efesios 5:1

Te bit'il yal-snich'anex Dios te bayal c'uxex ta yo'tane, nopbeyaic me te yo'tane.

Malaquías 1:2

Te Cajwaltic ya yal: —Jo'on c'uxex ta co'tan —xi'. Ja'uc me to, ya ajojc'oyic: —¿Bit'il ya jna'tic teme c'uxotic ta awo'tane? —xaex. Te Cajwaltic ya sjac': —C'uxex ta co'tan, jich nix bit'il c'uxbaj ta co'tan te Jacob;

Isaías 57:16

Ma spisiluc ora ya calulabey smul te lum cu'une; ma me spisiluc c'aal ayon ta ilimba. Melel te ants-winiquetic te jpasoje, ma wocoluc ya xch'ay yutsil yo'tanic ta jtojol.

Salmos 85:5

¿O ya to bal xnajt'aj xan bael te awilimba ta jtojoltique?

Zacarías 1:15

Ja' swentail te til jajch'el sc'ajc'al co'tan yu'unic te nacionetic te ma'yuc sc'oplal ta yo'tanic te lum cu'une. Melel la yaq'uic xan puersa ta spasel te bila amene, manchuc me jteb to nax ilinemon a.

2 Crónicas 20:10

Ja' yu'un ta ora to, tey ayix te amonetic, te moabetic soc te mach'atic ayic ta witstiquil ta Seir, ja' nix yajwalic te q'uinal ta bay ma la awac' ochuc bael tey a te israeletic te c'alal loq'uic tel ta Egipto, la yijq'uitayic jilel, ma ba la sjinic.

2 Crónicas 20:11

Ta ora yo'tic ja' ya yac'botic jtojtic yilel. Ya yac'botic guerra, swenta yu'un ya sticunotic loq'uel a te aq'uinale, ja' te q'uinal te la awac'botic cu'unintique.

Oseas 8:3

Ja'uc me to, te Israel la xch'oj bael te bila leque; jich yu'un ya me xnutsot yu'un te scontrotaque.