Amós 1:1 - Bible in Tzeltal de Oxchuc y Tenejapa

¹ Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

Bible in Tzeltal Bachajón

¹ Ha sc'op Amós, jtuhl jcanan-tuminchij ta Tecoa, te la yalbe sc'oblal te Israel ta yorahil Uzías ajwalil yu'un Judá, soc te Jeroboam snich'an Joás, ajwalil yu'un Israel, cheb ha'bil ma to xtal nihquel a.

Amós 1:1 Referans Kwoze

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

Amós 7:14

Te Amós la sjac': —Te jo'one ma ba j'alwanejon, soc ma snich'anucon j'alwanej. Ja' nax cuxulon a te ya jcanantay chijetic soc ta stulel te ja'mal higueraetique.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

2 Crónicas 11:6

Jich la yac'bey xan yipic te lum Belén, Etam, Tecoa,

1 Reyes 19:19

Te Elías jajch' bael tey a, c'o sta te Eliseo, yac ta at'el ta arado soc wacaxetic. Ta stojol te Eliseo yacal ta at'el lajchaychajp wacaxetic, ja' nix yacal ta at'el soc ta slajchaychajbal wacaxetic te Eliseo. Te Elías bajt' ta stojol Eliseo, la yac'bey ta snejq'uel te smeyil paq'ue.

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

Jeremías 1:1

Ja' te sc'op soc yat'el Jeremías, te snich'an Hilcías. Te Jeremías ja' sts'umbal te sacerdoteetic te nainic ta lum Anatot te ay ta sq'uinal sts'umbal Benjamín.

Isaías 1:1

Te j'alwanej Isaías, snich'an Amoz, ac'bot sna' stojol te bit'il ay sc'oplal yu'un Dios te Judá soc Jerusalén, te c'alal ayic ta muc' ajwalil yu'un Judá a te Uzías, Jotam, Acaz soc Ezequías.

2 Reyes 14:23

Ta yo'lajunebal ja'wil yochel ta muc' ajwalil Amasías snich'an Joás ta Judá, och ta muc' ajwalil yu'un Israel ta Samaria te Jeroboam snich'an Joás. Jalaj yu'unic ta muc' ajwalil jun yoxwinic (41) ja'wil.

1 Corintios 1:27

Ja'uc me to, ja' tsabilic yu'un Dios te mach'atic ma'yuc sp'ijilique, swenta yu'un jich me ya x'ac'ot ta q'uexlal a te mach'atic ay sp'ijilic ta sc'opique. Soc ja' tsabilic yu'un te mach'atic ma'yuc yipique, swenta yu'un jich me ya x'ac'ot ta q'uexlal te mach'atic ay yipic ta sc'opique.

Miqueas 1:1

Ja' sc'op Cajwaltic te la yalbey te Miqueas te talem ta lum Moreset, albot te bit'il ay sc'oplal Samaria soc Jerusalén. Ja' yorail ay ta ajwalil a te Jotam, Acaz soc Ezequías te mandalajic ta Judá.

Oseas 1:1

Ja' sc'op Cajwaltic te tal ta stojol te Oseas te snich'an Beeri. Ja' yorail a te xmelmon c'axic ta muc' ajwalil ta Judá te Uzías, Jotam, Acaz soc Ezequías, soc ja' yorail te ay ta at'el a te Jeroboam te snich'an Joás, muc' ajwalil yu'un Israel.

2 Reyes 14:21

Jich yu'un te yajwal te Judá la yiq'uic te Azarías, la yaq'uic ochel ta muc' ajwalil swenta sjelol Amasías, ja' te state. Te Azarías ay waclajuneb ya'wilal a te och yat'ele.

Jeremías 7:27

Soc la yalbon te Cajwaltique: —Ja'at, Jeremías, albeya spisil in c'op to, manchuc teme ma xyich'at ta muq'ue; awtaya, manchuc teme ma sjaq'uique.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

San Mateo 4:18

Te bit'il yac ta beel c'axel ta ti'mar yu'un Galilea te Jesuse, la yil cheb winiquetic te yermano sbaique, Simón sbiil te jtule. Ja' nix te Pedro yan sbiile. Soc Andrés sbiil te yijts'ine. Yacalic ta xch'ojel ochel ta mar te stsacjibal-xchayique, melel ja' yat'elic te tsac-chaye.

Jeremías 28:8

Te mach'atic neel j'alwanejetic cu'untic ta namey, te c'alal ma to x'ayinotic a, la yalbeyic sc'oplal guerra, woclajel soc chamel te ya xmilawane ta stojol bayal ta jchajp nacionetic soc tulanil ajwaliletic.